來去匆匆廣州行!

 

嬸嬸離世已經超過一個月，

係時候要安排患病叔父往後的生活。

今日，

我陪母親大人上廣州一敞，

了解情況。

廣州天氣悶熱，

中午還下了一場大雨；

匆匆吃過午餐，

又要趕回香港。

肉燥豆腐!

今年畢業典禮完滿結束，

超攰，

好在有2日假期可以休息休息！

但聽日要陪母親大人上廣州一敞，

得番7月1 日休息咋!

希望唔好打風啦!

西餅、蛋糕製作精選實習班(一)~第三堂!

呢個課程好鬼多芝士餅，

今堂學整意大利芝士蛋糕和意大利杏仁圈!

我係酒鬼，緊係要狂落酒啦!

豬扒炒丁麵!

 

由細到大，

我都鐘意食出前一丁(麻油味)；

唔單只鐘意放湯，

炒都一樣鐘意呀!

 

西餅、蛋糕製作精選實習班(一)~第二堂!

 



 

6 月18日，

呢堂學整忌廉泡夫、朱古力條、巴黎圈!

我哋要亞sir教整天鵝呀!

睇下亞sir整得幾靚。

煎釀三色椒!

 

我唔係成日染髮，

大約一年2次左右啦!

記得上次染髮係過年前；

今日我再去髮廊染髮，

點知染完後隻色係蓋唔到我D白髮，

唯有要再染多次(前額)。

 

 

菜脯肉碎煎蛋!

 大小魔怪大食係人都知，

有時煮少咗餸唔夠食點算好呢???

呢個係我屋企最佳加餸嘅選擇~菜脯肉碎煎蛋!

 

南瓜海鮮忌廉湯!

大小魔怪唔鐘意食南瓜，

但佢母親我好鬼鐘意食架，

冇咩辦法可以令佢哋食南瓜呢???

 

西餅、蛋糕製作精選實習班(一)~第一堂

6月11日，
又開始我晚上學整蛋糕嘅生涯啦!
呢日係第一堂~軟心朱古力蛋糕(心太軟)&焗法式芝士蛋糕。

雜菇炆伊麵!

日日熱到CC下，

真係唔想食飯呀!

食咩好???

食伊麵都唔錯喎!

唔想食肉唔知大小魔怪啱唔啱食呢???

都係唔好，

滾個粟米肉碎蛋花湯，

咁咪有肉囉!

 

魔鬼小食~炸芝士火腿獅子狗春卷!

 

有包春卷皮擺咗係冰箱好耐，

再唔整我驚過期，

搵齊材料整咗呢個小食，

好魔鬼，

好誘惑，

越食越想食呀!

 

芝士鮮茄焗豬扒飯!

 

同超市肉檔亞姐friend係有著數，

我要舊唔嚡口，

仲要唔使剁嘅肉整豬扒，

佢專登起舊靚飛排肉俾我，

仲要五十幾蚊有成7至8塊添!

豬扒分咗兩餐食，

用同一款汁料，

一個加芝士和炒飯底焗，

一個就咁煮，

真係抵到爛呀!

正!

清湯蘿蔔牛坑腩!

噚日係父親節，

老公話想食清湯腩，

米飯班主指定要食，

緊係唔可以遲啦!

一於整煲俾佢嘆下啦!

 

父親節晚餐!

今日係父親節，

祝天下父親都快樂呀!

母親大人和祈祈BB一家都入嚟食飯，

梗係煮D好嘢俾佢食啦!

全麥三文魚鬆包!

好耐冇攞部麵包機出嚟玩下啦!

見今日落雨濕濕冇得出街，

一早起身就開始搓包啦!

 

香煎腐皮素卷!

 

都話朝早行街市好架啦!

俾我買到好耐冇食嘅沙葛，

7蚊2斤有3大個，

又有好嘢食啦!

 

芝士雜菜素蛋餅!

呢排日日朝早行街市，

見到D瓜瓜菜菜咁鬼靚，

唔買對唔住自己啦!

買埋買埋一大堆蔬菜，

邊食得哂架!

咁每款蔬菜切少少出嚟整個素菜餅啦!

冬菇栗子炆雞!

 

今日係端午節，

有一日假期可以俾我休息休息，

瞓咗一個晏覺，

好鬼hea呀!

今晚主角唔係雞，

而係栗子呀!

西餅蛋糕製作精選實習班三(第十堂)

呢篇blog遲咗成個月先出呀!

呢堂係5月7日最後一堂~整聖誕蛋糕。

亞sir教我哋整朱古力屋仔，

咪睇砌屋好易有難度架!

呢間屋攪咗我哋成堂呀!

話時話，

今日我又開始返學學整蛋糕啦!

芝士洋蔥咸牛肉焗薯蓉!

係元朗住嘅朋友，

都知朗屏天橋底有間賣菜舖頭D菜好平；

呢排我就有機會晨早7點去逛下啦!

唔去猶自可，

一去就買唔停手，

款款蔬菜都平靚正；

今日我就買咗2磅薯仔和2斤菜芯，

大家估下幾錢???

 

糭!

 

又係一年一度包糭的大日子；

老公見我病叫我唔好包，

但大多親朋好友話想食我包嘅糭，

尤其係母親大人，

佢年年都會攞我D糭送俾朋友，

唔包唔得架!

我包嘅係客家糭，

唔係三角係方形架!

乾炒紅薯粉絲!

 

前日放工下大雨，

我有帶雨傘都濕哂身，

又坐正架開行冷氣嘅輕鐵，

所以凍親；

今日仲失聲添!

 

香草雞翼配薯菜!

本來想整日式咖哩雞翼，

點知大魔怪話生痱子唔想食咖哩，

而我又唔想煎煎炸炸，

唯有轉整焗雞翼啦!

 

沙薑雞腳!

 

平時出街飲茶食飯，

我都幾好鐘意叫碟沙薑雞腳咬下架!

出街食一碟得幾隻仲要收幾十蚊，

依家我買2磅雞腳都係$16，

真係要食番夠本呀!

 

 

豬肉蒸滑水蛋!

點先可以蒸滑蛋???

我唔用雞湯架，

因為雞湯都唔平呀!

簡簡單單豬肉碎、雞蛋就可以整個個平靚正嘅餸，

嘻嘻，

呢個打斧頭餸啱哂我呀!

雜果涼粉!

呢排日日早都成30幾度，

真係熱溶我架!

唔得，

要搵D野食消消暑先得!

 

芝士香草鮮茄肉醬焗長通粉!

星期日，

大小魔怪邊會咁早起身吖!

不過一起身就會話好肚餓，

得得得，

即刻去焗個長通粉俾佢咃做brunch!

整咗出嚟唔使10分鐘，

成兜長通粉已經清哂，

最勁嘅就係個兜仲好熱架，

我暈啦!

 

 

鹽焗煎雞翼!

 

雞翼，

點整都咁好味道。

今次簡簡單單用咗大半包鹽焗雞粉，

再加少少鹽調味(我驚唔夠味)醃咗2磅雞翼，

用半煎炸方法煎雞翼，

咸咸香香，

夠哂惹味呀!