前幾日用咗新方法去蒸花膠，
花膠經過2蒸2浸後，
真係脹大咗好多呀!
今日就用咗其中一隻浸發好嘅花膠，
炆咗呢鍋冬菇花膠炆鴨腳。
提提大家，
蒸花膠時要加薑和蔥去腥，
但我忘記了，
係姐姐事後先話我知要薑蔥呀!
冰箱仲有過年前買嘅鴨腳，
今日有時間就炆埋佢啦!
今次加咗冬菇仔、瑤柱和蠔豉一齊炆，
加埋生菜墊底，
好正呀!
冰箱有包出咗水嘅花膠仔，
老公話煮咗佢嚟食啦!
所以今日買咗8隻鴨腳，
加埋冬菇仔，
炆咗一大碟冬菇花膠炆鴨腳。
呢個餸原本係生日party煮俾家人食，
點知因颱風影響取消咗，
所有準備咗嘅材料唯有自己煮嚟食啦!
冬菇鴨腳炆排骨，
炆咗一大鍋，
分咗兩餐食呀!
今日我响佳寶見到有急凍鵝翼賣，
啱啱開箱又幾靚喎，
於是買咗6隻返屋企，
咁啱雪櫃仲有半支瑞士汁，
啱哂喇!
就整瑞士汁鵝翼啦!
不過鵝翼骨太硬，
好難斬開，
斬咗4隻後我對手都已經冇哂力，
最後果兩隻就咁煮嚟食，
大大隻食仲過癮呀!
(事後覺得煮完先斬應該會好D呀!)
小魔怪話想食芋頭炆鴨，
今朝去天盛街市雞檔買咗隻冰鮮鴨$115，
買埋半個芋頭$14和1磚南乳$6，
煮咗呢鍋南乳芋頭炆鴨呀!
午餐煮咗3杯米，
食剩1碗飯左右，
哈哈，
我哋係飯桶嚟架!
前兩日買咗十隻大鴨腳，
本來想炆俾大魔怪女朋友仔食，
但大魔怪話唔好整到好似過年咁啦!
驚我嚇親人喎!
所以就留番俾我哋自己食喇!
之前天水圍大停電，
雖然我哋屋苑話就話停咗3小時，
但老公話都係清一清冰箱裡食材穩陣D呀!
老公和我都鐘意食鴨腳，
所以每次見到有大鴨腳賣時，
我都會買定放入冰箱，
咁就隨時想食就可以煮嚟食喇!
中秋節當日，
炆咗一鍋冬菇花膠鴨腳，
花膠係鱈魚膠，
雖然細細隻，
但都好有膠質，
好養顏啊!
噚日買咗半邊燒鴨做餸，
食剩哂D厚燒鴨肉，
今朝就用佢嚟炆咗碟雪菜火鴨絲炆米；
我鐘意用天鵝牌米粉(泰國製造)嚟做呢碟炆米，
因為呢隻牌子米粉炆幾耐都唔易斷，
夾起嚟唔會碎濕濕呀!
2個米粉炆起好大碟，
我和老公2個人都食唔哂，
又可以食多一餐啦!
呢排佳寶有急凍鵝掌賣，
$24磅又唔貴喎!
我買咗2磅左右有11隻鵝掌，
都幾抵食喎!
屋企冇壓力煲，
所以炆鵝掌嘅時間會長少少，
炆下又焗下，
前前後後炆煮咗3個鐘頭呀!
今日係小暑，
我煲咗冬瓜冬菇瑤柱肉粒咸蛋湯，
開飯啦喂!
雪櫃摷到仲有鴨腳，
加咗冬菇和支竹一齊炆，
炆完一大煲，
我同老公食咗一餐食唔哂，
隔日食老公話D冬菇好入味呀!
噚日同家人食咗冬至飯，
今日冬至正日食咩好呢???
去佳寶見到有大鴨腳賣，
於是買咗幾隻返屋企炆冬菇，
再加埋罐cheap cheap鮑魚仔，
真係超正呀!
抗疫晚餐~蠔皇冬菇炆鴨腳。
我呢兩日牙肉腫痛到冇哂胃口，
唔係食白粥就係煮米粉和卷蛋糕，
硬嘅食物咬唔到，
只可以食軟軟嘅嘢；
雖然我唔食到嘢啫，
但老公佢哋都要食架!
今餐就炆咗蠔皇冬菇炆鴨腳配生菜，
冬菇我就肯定食唔到架喇，
希望可以啜到D鴨腳趾啦!
母親大人係星期六攞咗樽蠔豉俾我，
雖然唔係好大隻，
但用嚟煲冬菇鴨腳都唔錯架!
加埋罐蠔皇海螺片落去，
哈哈，
真係可以出得廳堂扮上菜架!
買咗包小香菇，
食下食下剩番冇幾多餐囉!
老公和我都幾鐘意食呢款小香菇，
細細粒容易食，
今次加埋鴨腳和冬菇一齊炆，
簡直係絕配呀!
蠔油，
我鐘意用李x記舊裝果隻，
用佢嚟炆餸特別惹味架!
可惜賣得越來越貴，
唯有依家唯有慳D嚟用啦!
執櫃時嘢摷到D花膠仔出嚟，
見好耐冇食過花膠，
今晚一於用花膠炆冬菇炆鴨腳嚟食先得!
南乳芋頭炆鴨，
小魔怪至愛之一，
今次買嘅芋頭超級靚，
又粉又黐刀，
我鐘意炆到個芋頭爛哂溶哂係D南乳汁度，
撈飯一流呀!
