南乳芋頭炆鴨

南乳芋頭炆鴨，

小魔怪至愛之一，

今次買嘅芋頭超級靚，

又粉又黐刀，

我鐘意炆到個芋頭爛哂溶哂係D南乳汁度，

撈飯一流呀!

材料: 鴨半隻、芋頭半個、冰糖粒1湯匙、薑3片、紹酒1湯匙、老抽少許

醃料: 豉油1湯匙、糖1茶匙、生粉1茶匙、麻油少許

調味: 南乳半磚(大)、水5碗

做法: 芋頭去皮切大件；南乳加1湯匙紹酒搓勻備用；

鴨件洗沬抹乾水份，落醃料醃1小時；

燒熱油鑊先爆香薑片和鴨件，加入南乳醬炒勻後，

落冰糖粒和水炆45分鐘(期間需要間中翻炒鴨件以防黐鑊)，

落埋芋頭炆多15分鐘或至芋頭腍身，落少許老抽調色便成。

~唔想芋頭炆到爛哂，可以先煎一煎D芋頭，咁芋頭就唔會咁易炆到爛哂架!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page