薑蔥魚頭腩煲

今日老公話想食魚，

即刻去街市買咗個新鮮大魚魚頭($40)，

又買咗份靚靚大魚魚腩($12)，

整個薑蔥魚頭腩煲俾老公嘆下啦喂!

材料: 大魚魚頭1個、大魚魚腩1份、薑6片、乾蔥頭2個、蒜蓉、蔥段

醃料: 豉油1湯匙、鹽半茶匙、糖1茶匙、紹酒1湯匙、胡椒粉少許、薑汁適量

調味: 蠔油1湯匙、豉油半茶匙、老抽半茶匙、鹽半茶匙、糖1茶匙、

麻油少許、水6湯匙

做法: 魚頭魚腩清洗後，用廚紙索乾水份，落醃料醃半日；

燒熱油鑊加魚頭腩煎熟後盛起；燒熱煲仔落油，

加薑、乾蔥絲、蒜蓉和蔥香先爆香，落魚頭腩後沿鍋邊贊1湯匙紹酒，

加入調味煮1分鐘或至汁濃後，落埋蔥段熄火焗半分鐘便成。

~醃過魚頭腩嘅豉油汁，用得唔好嘥，加埋落個調味度，更加惹味架!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page