老公去咗旅行，
我一個人都好少煮飯食，
簡單買咗個豬仔飽，
煎咗塊雞扒和雞蛋，
加幾片生菜，
咁就做咗我嘅午餐喇!
呢排小魔怪冇啖好食，
佢話唔想再食粥，
問佢想食得咩???
佢話食薯蓉啦!
於是拿拿臨買2個薯仔和鮮奶，
整咗呢個經典薯蓉，
佢慢慢食，
食得好滋味呀!
今晚整咗涼拌麻辣火雞腎，
呢碟涼拌餸，
最緊要係個麻辣汁，
只要調啱自己喜歡嘅味道，
真係涼拌咩都咁好食架!
今日又係賀年炸腰果和蝦片嘅日子，
今年炸咗一斤半腰果，
和半盒印尼蝦片呀!
炸腰果大樽留俾自己食，
其餘嘅裝哂俾姐姐呀!
今年一次過炸咗2斤腰果，
1斤留俾自己食，
另一斤就送俾姐姐做新年禮物，
襯炸完腰果有鑊油，
順便炸埋印尼蝦片呀!
我突然好想食薄罉，
拿拿臨買齊材料開工啦喂!
麵粉、糯米粉、蝦米、菜脯、蔥粒，
簡簡單單攪好個粉漿落油鑊煎熟就得；
今日煎咗2個薄罉試下味道，
下次就可以煎多少少架啦!
食落裡面軟軟糯糯，
邊位就香香脆脆，
好有酒樓feel呀!
平時我哋晚飯時間通常都係6點半左右，
老公和我都已經習慣咗早食飯；
但小魔怪就唔多習慣喇!
佢平日返工好少會咁早食晚飯，
所以每當佢WFH果日，
晚餐會食得好少，
但到差不多9點零10點，
佢就開始肚餓喇!
好彩冰箱總有幾包急凍煎餃係度，
拿拿拆開包餃子煎熟佢，
咁就可以塞住佢個胃啦!
呢餐餸係大停電果日整架!
啱啱放低飯碗冇耐就停電喇!
屋企樽大孖秘撈魚蛋醬就嚟到期，
拿拿臨睇下買咩食材嚟用咗佢先得；
魚蛋醬就緊係要整魚蛋啦!
今日整咗咖哩豬皮蘿蔔魚蛋牛柏葉，
影低相send俾姐姐妹妹睇，
哈哈，
佢哋話好想食喎，
OK啦!
下次聚會就整俾大家食啦!
前兩日買咗2磅半急凍鳳爪，
整咗一大鍋鮑汁花生鳳爪；
平時係酒樓叫碟鮑汁花生鳳爪，
得幾隻鳳爪和幾粒花生，
都要賣三十幾四十蚊，
自己整一大鍋成本三十蚊都唔使，
呢鍋鮑汁花生鳳爪一餐肯定食唔哂，
分幾餐食就更化算啦!
噚日買咗一排湖北蛋$38有30隻，
我見大小魔怪咁鐘意食蛋，
拿拿臨攞咗10隻嚟整茶葉蛋，
平時大魔怪好少會讚我整嘅嘢好食架!
每次問親佢好唔好食???
佢就會話麻麻哋啦!
今次就唔同喇，
佢竟然話今次整嘅茶葉蛋夠哂味道，
好入味呀!
哈哈，
原因係今次我落鹽重手咗少少，
即係話佢都好重口味呀!
老公買咗一大包芝麻梳打餅返嚟，
等我摷番樽係雲泉仙館買嘅麥芽糖出嚟，
整咗呢個充滿大家童年回憶~麥芽糖餅乾，
做小食呀!
今日開油鑊炸腰果&炸蝦片，
炸咗1斤半腰果，
預咗部份腰果送俾姐姐，
答謝佢聖誕時織咗條頸巾俾我呀!
姐姐妹妹佢哋好想食咖哩豬皮蘿蔔魚蛋，
簡單啦!
今日買哂材料煮咗一大盒，
明天攞去妹妹家開除夕party呀!
今朝我買咗條生命麵包，
屋企又有罐咸牛肉，
摷埋個古董飛碟機出嚟，
整件咸牛肉飛碟做咗我嘅午餐喇!
雖然個古董飛碟機外型又殘又舊，
但仲用得，
我唔捨得掉咗佢呀!
我都好耐冇買豬肚食啦!
所以今日就係佳寶買咗急凍豬肚、火雞腎和雞翼，
用瑞士汁滷咗一大鍋呀!
咪睇好似好多，
不過食下食下，
一件都冇剩呀!
平時炒完紅腸，
我好多時都係落少少蒸魚豉油調味，
但今次就試下落咗蒜蓉和蜜糖去炒紅腸，
食落有濃郁蒜味及甜香味，
大鑊，
食慾大增添!
好耐冇整茶葉蛋喇!
噚日我買咗30隻蛋返嚟，
唔使講咁多，
即刻開工整茶葉蛋啦喂!
噚日整今日食，
得咗!
今朝煲滾D茶葉蛋，
大小魔怪即刻食咗5隻，
剩番果5隻，
應該好快會食哂呀!
今日買咗3磅急凍鳳爪，
整咗一大鍋紅燒鳳爪，
一餐肯定食唔哂架，
隔日食就更入味呀!
以往農曆新年果幾日假期，
我哋都會出外到親戚家拜年，
每年初三仲會返惠州過年添架!
可惜由於新冠肺炎仍然嚴峻，
我哋應該唔會周圍去拜年喇!
(剩係去同母親大人拜年咋!)
雖然唔去拜年，
但家居清潔一樣照做，
亦會做應節食品呀!
今日就開油鑊炸腰果和炸蝦片，
遲兩日先整蘿蔔糕。
呢排香港疫情又再嚴峻，
我屋企個雪櫃冰箱又被塞爆了；
之前買咗2磅雞腳煲湯，
用剩咗10隻雞腳，
為咗令個雪櫃慳少少位嚟再塞多D嘢，
今日拿拿臨攞D雞腳出嚟，
整咗呢盒涼拌雞腳做餐前小食呀!
