炸腰果&炸蝦片

以往農曆新年果幾日假期，

我哋都會出外到親戚家拜年，

每年初三仲會返惠州過年添架!

可惜由於新冠肺炎仍然嚴峻，

我哋應該唔會周圍去拜年喇!

(剩係去同母親大人拜年咋!)

雖然唔去拜年，

但家居清潔一樣照做，

亦會做應節食品呀!

今日就開油鑊炸腰果和炸蝦片，

遲兩日先整蘿蔔糕。

炸腰果

材料: 腰果一斤、鹽半茶匙

做法: 燒熱水加半茶匙鹽，將腰果出水1-2分鐘後瀝乾水份，用廚紙抹乾；

開中細火落油，凍油落腰果，當油滾後要用鑊鏟不停翻轉腰果，

直至腰果炸至金黃色；(想知炸熟未，我會間中攞粒腰果嚟試下架!)

最後轉大火炸多10-15秒，即撈起腰果待涼加少許鹽入樽。

炸蝦片

做法: 燒滾油，落蝦片，等佢浮起即大湯勺或鑊鏟壓平蝦片，

反覆炸兩面後，撈起用抹手紙索油，食唔哂用密實袋裝住就得!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page