2021朱家蘿蔔糕

今日整蘿蔔糕，

原本以為老公會幫手刨蘿蔔，

點知佢約咗人踩單車，

咁即係得我一個人切切切刨刨刨啦!

整完呢幾底蘿蔔糕，

我條腰骨即刻有D痛添呀!

見到新鮮出爐嘅蘿蔔糕真係忍唔住口，

要食碗頭啖糕先得。

材料: 蘿蔔5斤半(去皮計)、粘米粉一包(600g)、臘腸4條、

臘肉1條、蝦米3兩、薑5片、冰糖適量、浸蝦米水1碗、白芝麻適量

調味: 鹽3茶匙、胡椒粉適量(按自己喜好落鹽和胡椒粉調味)

做法: 將蘿蔔去皮洗淨後，3斤蘿蔔刨絲，2斤半蘿蔔切條；蝦米浸軟；

臘腸、臘肉和蝦米蒸熟，臘腸和臘肉切粒；

落少許油爆香臘味粒和蝦米後盛起；原鑊加薑片炒蘿蔔絲(連蘿蔔水)，

加冰糖和1碗半浸蝦米水，煮至蘿蔔變透明色，落臘味粒和蝦米攪勻，

(記得留番少少臘味舖係蘿蔔糕面)

落調味後熄火，將1包粘米粉分3~4次加入蘿蔔絲裡，

不斷攪拌至粉和蘿蔔絲混合為止，放入蒸焗爐用105度蒸1個半小時，

又或用鑊隔水蒸1小時半，取出蘿蔔糕後，

灑上炒香芝麻和舖上少許臘味粒裝飾便成。

~一半蘿蔔刨絲，一半蘿蔔切條，咁食落嘅蘿蔔糕會有唔同質感架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page