台式滷肉飯

今日年初四，

亦係公眾假期最後一日，

晚餐得我兩佬撐枱腳，

煮咗簡單又方便嘅台式滷肉飯，

每人一碗，

灼埋碟菜就食得啦!

材料: 急凍帶皮五花腩肉1條、雞蛋4隻、紅蔥頭1個、蒜頭2粒、

紹酒1湯匙、糖3茶匙、冰糖碎1湯匙

調味: 蠔油2湯匙、豉油1.5湯匙、老抽1湯匙、五香粉1茶匙、胡椒粉適量

做法: 將急凍五花腩肉沖洗後，襯仲未解凍切條備用；

紅蔥頭切碎；蒜頭剁蓉；雞蛋烚好去殼備用；

燒熱鑊不需落油，落五花腩肉條炒至微微焦黃，加紅蔥頭碎炒至出香味，

落埋蒜蓉炒勻後，加糖3茶匙炒至豬肉轉金黃色後贊紹酒；

落蠔油和豉油快炒數十下後，加五香粉、胡椒粉、4碗水和冰糖碎；

煮滾後轉小火先煮45分鐘，落雞蛋滷多45分鐘(全程用小火)；

熄火後唔好開蓋，繼續放入鍋內，飯前再煮翻滾至汁濃便成

~屋企冇壓力鍋，所以我用普通鍋煮架!

~買急凍五花腩肉，因為佢雪硬咗易D切呀!

~落胡椒粉份量好隨意，我鐘意有胡椒香，所以落咗好多胡椒粉呀!

~落水方面，由於起碼要炆煮1.5小時，所以落水時最好蓋過肉面多少少，

煮到最後覺得多汁嘅話，可以加少少生粉水埋芡汁呀!

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page