大白菜粉絲煮肉片

每到過新年時，

家家戶戶都會買定棵大白菜(紹菜)壓年；

今年我就買咗個山東大白菜$25，

大大個肥嘟嘟

又嫩又清甜呀!

年初二用咗半個嚟煮齋，

剩番另外果半個，

今日就用咗嚟煮粉絲肉片喇!

煮咗一大碗，

夠我和老公食兩餐呀!

材料: 大白菜半個、梅頭豬肉$25、粉絲適量、薑兩片

醃料: 豉油半湯匙、鹽半茶匙、糖1茶匙、生粉1茶匙、麻油少許

調味: 鹽適量、糖適量

做法: 大白菜切幼段；梅頭豬肉切片後落醃料醃30分鐘；粉絲浸軟備用；

燒熱油鑊落豬肉片和薑片略煎兩面，加入大白菜快炒數十下，

落調味和水1碗煮至菜腍後，落粉絲煮多1分鐘左右便成。

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page