乾扁福花菜炒肉片

之前係雜貨舖買返嚟嘅辣椒乾，

咪睇佢細細仔又唔多靚，

但用嚟炒餸真係好鬼"攻鼻"架!

我已經冇剪開嚟炒，

如果D辣椒銀走哂出嚟嘅話，

真係辣都飛起架!

講番呢碟炒福花菜，

用咗有肥豬肉嘅肉片嚟炒，

真係特別香口，

肉片略煎至有焦香，

食落夠哂惹味，

一D都唔覺肥呀!

材料: 福花菜1斤、梅頭豬肉(帶肥肉)適量、蒜蓉、辣椒乾12隻、

鹽少許、芝麻油

調味: 蠔油半湯匙、豉油半湯匙、鹽少許、糖1茶匙

做法: 梅頭豬肉(帶肥肉)切片後，落少許鹽醃15分鐘；

福花菜洗淨後切小棵，落鹽半茶匙浸洗15分鐘後隔水備用；

燒熱水加福花菜灼1分鐘後撈起瀝乾水份；

燒熱油鑊落梅頭肉片煎至兩面有焦黃，加入辣椒乾和蒜蓉爆香後，

落福花菜和調味炒至乾身後，最後灑上少許芝麻油便成。

  

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page