豉椒炒排骨

 

今日開始要清過年時買落嘅食材喇!

摷到雪櫃裡面有三色椒和洋蔥，

係街市買咗條一字排骨返嚟，

煮咗呢碟豉椒炒排骨。

材料: 一字排骨、三色椒適量、洋蔥半個、蒜蓉、豆豉粒、生粉水

醃料: 豉油1湯匙、鹽半茶匙、糖1茶匙、麻油少許

調味: 蠔油1湯匙、老抽適量、糖1茶匙、2碗水

做法: 一字排骨洗淨後瀝乾水份，加醃料醃1小時；

三色椒切件；洋蔥切件；豆豉粒略浸；

燒熱油鍋落排骨略煎表面，加調味用中大火煮滾後轉小火慢慢炆30分鐘；

燒熱油鑊落蒜蓉、豆豉粒和洋蔥爆香，加入三色椒和排骨(連汁)快炒，

加鑊蓋煮5分鐘或至洋蔥和三色椒熟後，落少許生粉水埋茨汁便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page