盅頭飯~木耳榨菜肉片蒸飯

今朝去咗覆診(睇血壓)，

我買埋餸返到屋企都成10點幾，

處理下D餸嚟又夠鐘煮午飯了；

2個人食得好簡單，

煮咗個盅頭飯嚟食，

快靚正呀!

材料: 梅頭豬肉$35、即食木耳榨菜1包、米1杯米

醃料: 豉油1湯匙、鹽半茶匙、糖1茶匙、生粉1茶匙、麻油少許

做法: 梅頭豬肉洗淨後切片，加入木耳榨菜和醃料醃15分鐘；

將1杯米洗淨後放入盅內，加入1杯水(量米杯)，

燒熱水，將米放入鑊中蒸10分鐘或至米水差不多乾後，

用匙羹將飯攪勻(免米半生熟)加豬肉餡料蒸多12~15分鐘，

最後淋上煲仔飯豉油，灼埋幾條菜就開得飯架啦!

~呢度只係蒸咗部份榨菜肉片，餘下的今晚可以蒸嚟做餸呀!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page