買咗條腩肉都唔知煮咩好，
見到菜檔有半個芋頭，
唔使諗咁多，
一於煮南乳芋頭炆腩肉啦!
呢個餸係小魔怪至愛呀!
材料: 芋頭半個、豬腩肉1條、南乳3/4磚(大)、紹酒、薑3片、蔥粒
調味: 豉油1湯匙、老抽少許、冰糖1大粒
做法: 凍水落腩肉煮滾出水5分鐘後，沖洗乾淨後切件；芋頭去皮切大件；
南乳用半湯匙紹酒搓勻；燒熱鑊落油，加入腩肉和薑3片爆炒，
贊少許紹酒炒勻後，落南乳汁炒勻腩肉至腩肉沾滿南乳汁後，
加調味、3碗半水和冰糖煮滾後，轉最細火慢慢炆30分鐘後，
落芋頭炆多20分鐘或至芋頭腍，落少許老抽調色，
及按個人口味加糖調味後，灑上蔥粒便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!