白背木耳紅棗瘦肉湯

 

為咗健康，

呢排我會整多D有白背木耳和雲耳嘅餸菜或湯水，

今日就煲咗個白背木耳紅棗瘦肉湯；

呢個湯唔落肉都得架，

煲完當水飲，

最緊要食哂所有白背木耳呀!

雪梨乾山楂麥冬茶

雪梨乾山楂麥冬茶，

有潤燥生津、消食健胃、滋陰清熱等功效，

味道酸甜酸甜，

熱飲冷飲都可以架!

唔用雪梨乾，

可以落蘋果乾都得架!

用新鮮雪梨和蘋果得唔得???

梗係得啦!

冬瓜袪濕茶

前兩日大魔怪話想飲涼茶袪濕，

真係好難想像年輕人話要飲涼茶喎!

老公拿拿臨去藥房買咗包袪濕茶$15，

今日我就買咗冬瓜嚟煲冬瓜袪濕茶喇!

將12碗水放入煲內，

加所有材料煲滾，

轉小火慢火煲45分鐘，

落1塊片糖煲多5~8分鐘便成。

雪梨乾山楂洛神花甜菊葉水

每次去粉嶺坪輋雲泉仙館，

我都會去後門小攤檔買小食手信架!

去到必叫亞姐幫我執包$20雪梨山楂甜菊葉煲水嚟飲，

今次亞姐加埋洛神花俾我添呀!

酸酸甜甜似利賓立味，

雪凍佢好好飲架!

雪梨乾山楂甜菊葉水

 

好耐冇煲雪梨乾山楂甜菊葉水，

今朝去咗藥房買齊材料煲嚟飲呀!

呢個雪梨乾山楂甜菊葉水冷熱飲都得可以架!

不過我就鐘意凍飲喇!

雪梨乾有清熱潤肺、止咳化痰等功效，

比新鮮雪梨潤而不寒；

山楂有活血散瘀、降血糖和消脂等功效；

甜菊葉就有降底血糖、消除疲勞、減肥養顏等功效。

提提大家，

呢個雪梨乾山楂甜菊葉水，

如有胃酸過多或孕婦(山楂有增強子宮收縮功效)，

都不宜飲用架!

雪梨乾海底椰麥冬椰棗紅蘿蔔馬蹄水

天氣咁熱喉乾乾，

緊係要煲番D滋潤嘢嚟飲下啦!

每次入雲泉仙館都會買呢包保健湯包，

裡面有雪梨乾、海底椰、麥冬和椰棗，

可以加肉煲湯，

唔加肉煲甜水又得，

今次我就加咗2個紅蘿蔔和12粒馬蹄落去一齊煲喇!

其實呢D材料係中藥房都可以買到架!

雪凍甜甜哋好解渴架!

竹蔗茅根甘筍馬蹄水

天時暑熱，

係時候要煲涼茶潤一潤啦!

今日就煲咗一大鍋竹蔗茅根甘筍馬蹄水，

有消暑清熱、利尿、生津、潤肺等功效，

熱飲凍飲都得，

大小魔怪和我就最鐘意雪凍嚟飲架喇!

涼茶~雞骨草羅漢果茶

老公放假後開始執屋，

摷下摷下發現咗有2扎雞骨草係屋企，

哈，

俾佢見到就一定要做嘢啦!

即刻拿拿臨煲番煲去肝火嘅涼茶先得。

四寶茶(土伏苓、牛大力、入地老鼠、羅漢果)

今朝經過屋苑商場，

見到有呢呢類一舊舊嘅物體賣，

土伏苓、牛大力我成日都煲，

但入地老鼠(鑽地老鼠)就第一次煲；

本來想買嚟煲湯，

但原來可以加個羅漢果煲水，

咁一於用嚟煲水飲啦!

四寶茶係超級袪濕架!

海底椰子雪梨乾甘筍麥冬椰棗水

呢包海底椰子雪梨乾甘筍麥冬椰棗湯包，

係粉嶺雲泉仙館外的小攤檔買架!

有著潤肺、養顏、滋陰、保健等功效架!

見大魔怪有幾聲咳，

潤下喉當水飲就至啱啦!

冬瓜袪濕湯

冬瓜袪濕湯，

有清熱袪濕袪水腫消暑等功效，

呢包袪濕料係大型連鎖店買，

只要買舊冬瓜返嚟加落去一齊煲就得!

可加肉煲成湯，

又可以加塊片糖落去煲甜湯，

仲有一個飲法就係唔落肉又唔落糖，

就咁煲成水飲都得!

白背木耳紅棗水

唔知係咪呢排整親條腰，

攪到自己心情好鬼down，

覺得自己好冇用，

仲成日諗埋D唔係好好嘅嘢添呀!

唔得咁架，

我要振作，

快D恢復以前嘅動力先得!

今日摷到包白背木耳，

即刻煲番碗白背木耳紅棗水飲下先得，

佢有降膽固醇、解血脂、解血壓和解三酸甘油脂等功效架!

雪梨乾山楂甜菊葉水

今日煲咗一大鍋雪梨乾山楂甜菊葉水，

冷飲熱飲都得架!

雪梨乾有清熱潤肺、止咳化痰等功效，

比新鮮雪梨潤而不寒；

山楂有活血散瘀、降血糖和消脂等功效；

甜菊葉就有降底血糖、消除疲勞、減肥養顏等功效。

提提大家，

呢個雪梨乾山楂甜菊葉水，

如有胃酸過多或孕婦(山楂有增強子宮收縮功效)，

都不宜飲用架!

涼茶~雞骨草羅漢果茶

今日老公買咗1斤雞骨草返嚟，

話要飲涼茶喎!

簡單煲咗個雞骨草羅漢果茶，

清清肝毒呀!

白背木耳紅棗水

今日唔煲湯，

煲白背木耳紅棗水；

民間傳說話如果連續服用1個月，

會有助降膽固醇、血脂和解血壓等功效架!

不過最緊要係要食埋木耳呀!

 俾少少建議大家，

煲完水嘅木耳可以用嚟涼拌；

或加瘦肉落去變成湯；

又或可以加冰糖煮成糖水後，

放入攪拌機內打碎成木耳紅棗糖水都得架!

煲涼茶~靈芝雞骨草

噚日煲咗個靈芝雞骨草涼茶俾老公飲；

靈芝~抗癌、補肝解毒、抗衰老；

雞骨草~清熱利濕、疏肝止痛、活血散瘀；

白芍~養血柔肝、保肝止痛；

茯神~寧心安神利水；

金錢草~清熱利尿、袪風止痛、清炎解毒；

其實我都會去藥房買呢款涼茶，

清清肝火都唔錯，

不過飲涼茶呢家嘢，

真係要睇清潔自己體質先好飲呀!

雪梨山楂甜菊葉水

每次去雲泉仙館，

我都會去附近攤檔買嘢，

攤檔亞姐好鬼好人，

幫我配咗大大包雪梨山楂甜菊葉用嚟煲水飲，

冷飲熱飲都得，

清甜又解渴，

大魔怪好鐘意飲架!

紅豆薏米水

今日唔煲湯，

但煲紅豆薏米水。

紅豆薏米水有袪濕健脾，

利尿去水腫等功效，

但生薏米較寒涼，

懷孕及月事期間嘅朋友，

都不宜飲用!

羅漢果水

呢輪天氣熱得好犀利，

一冷一熱好易病架!

老公和小魔怪都中咗招，

咳兼發燒，

吃藥少不免；

今朝煲定羅漢果水，

等佢哋潤下喉嚨啦!

雪梨乾山楂水

今日煲咗雪梨乾山楂水，

酸酸甜甜，

冷飲熱飲都得架!

怕酸就加冰糖，

我唔怕，

咁先原汁原味呀!