雪梨乾山楂甜菊葉水

 

好耐冇煲雪梨乾山楂甜菊葉水，

今朝去咗藥房買齊材料煲嚟飲呀!

呢個雪梨乾山楂甜菊葉水冷熱飲都得可以架!

不過我就鐘意凍飲喇!

雪梨乾有清熱潤肺、止咳化痰等功效，

比新鮮雪梨潤而不寒；

山楂有活血散瘀、降血糖和消脂等功效；

甜菊葉就有降底血糖、消除疲勞、減肥養顏等功效。

提提大家，

呢個雪梨乾山楂甜菊葉水，

如有胃酸過多或孕婦(山楂有增強子宮收縮功效)，

都不宜飲用架!

材料: 雪梨乾半斤、山楂$2、甜菊葉$2、16碗水

做法: 沖沖雪梨乾、山楂和甜菊葉，將16碗水和所有材料放入煲內，

先用大火煲滾後轉小火繼續煲45分鐘就可以喇!

(加咗甜菊葉，不需加任何糖都已經好甜架啦!)

~甜菊葉買咗$5，今次我隨手拿咗一把落去煲呀!

~雪梨乾落半斤好似甜咗少少，下次可以落6兩左右就啱啱好喇!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page