咁多種現成滷水汁料嚟講，
我都幾鐘意瑞士汁，
因為瑞士汁偏甜，
啱哂我口味呀!
今日就用瑞士汁嚟滷咗4磅豬手，
咁我就可以慢慢嘆啦喂!
今次買急凍豬手粒，
食落都唔差喎，
豬皮一樣QQ彈，
一口氣食咗3件豬手，
我已經充滿骨膠原喇!
材料: 急凍豬手粒4磅、薑6片、紹酒1湯匙
調味: 瑞士汁半支
做法: 豬手粒解凍後，放入鑊內加水、薑3片和紹酒1湯匙煮滾出水10分鐘，
倒出豬手粒清洗乾淨瀝乾水份；
將豬手粒、薑2片和瑞士汁半支加入鑊內(豬皮盡量向下，易上色)，
落水啱啱蓋過豬手粒後用中大火煮滾後，
轉中小火慢慢滷45分鐘或至1小時熄火後，焗多15分鐘便成。
~呢鍋豬手，越滷得耐越入味呀!
大家可以入嚟Facebook讚下我新開嘅Fans專頁呀!
我已經充滿骨膠原喇!<---- 女士要多補充.
回覆刪除女人唔補好易老!
刪除豬手我至愛，正喎😋
回覆刪除我都幾鐘意食豬手豬腳架!
刪除睇相就知你炆得靚啦。豬皮好彈牙咁喎。我哋班朋友尋日先講起你煮野食，佢哋無得食都讚你煮得好犀利！
回覆刪除係支瑞士汁好用，滷咩都咁好食。
刪除