老公和我都鐘意食熟洋蔥，
所以每次煮呢碟豉椒排骨時，
我都會煮到D洋蔥熟少少，
老公話好食到要添飯呀!
材料: 排骨粒1磅、三色椒各1/4個、洋蔥半個、蒜蓉、豆豉粒、紹酒少許
醃料: 豉油1湯匙、鹽半茶匙、糖1茶匙、麻油少許
調味: 蠔油1湯匙、鹽少許、老抽1湯匙、糖1茶匙
做法: 排骨解凍後，用廚紙煮乾水份，落醃料醃1小時；
三色椒去核切件；洋蔥切件；豆豉粒略浸；
燒熱油鍋落排骨略煎兩面，加調味和1.5碗水炆至排骨約30分鐘後熄火；
燒熱油鑊落蒜蓉、豆豉粒和洋蔥先爆香，加入三色椒和排骨(連汁)快炒，
加鑊蓋煮2~3分鐘或至洋蔥和三色椒熟，最後落生粉水少許埋茨汁便成。
大家可以入嚟Facebook讚下我新開嘅Fans專頁呀!
係喎! 雀后, 點解而家好似唔見你出"阿仔飯盒" POST 嘅? 我以前都有向你偷師, 煮D適合隔日食, 用作帶飯盒的材料.
回覆刪除因為大仔公司有素餐供應，而細仔就日日食煎雞胸肉做午餐，所以唔使整飯盒呀!
刪除咁好易養啦，得閒炒碟洋蔥比雀王食。
回覆刪除哈哈，剩炒洋蔥又未試過，不過點都要俾少少肉落去炒先得架!
刪除唔係又話我打斧頭架啦!