話說呢幾日朝早晨運時，
我嘅右腳腳面已經扯扯哋痛，
但唔算太嚴重；
點知噚晚上完堂返屋企時，
腳痛到爭D行唔到，
拖下拖下慢慢行終於返到屋企；
今朝起身腳都係痛，
拿拿臨去睇中醫骨科，
醫生話我可以行得多企得多，
最重要係超重，
影響到骨與骨之間組織發炎，
經過按摩、電療和貼上膏藥，
希望會快D好番啦!
今晚晚餐簡單煮咗黑椒豬扒，
豬扒係759亞信屋買的，
$100有4包，
豬扒薄薄哋唔使點拍鬆，
又食幾好食喎!
材料: 梅頭豬扒300g、三色椒各半個、洋蔥半個、蒜蓉、黑胡椒碎適量
醃料: 豉油大半湯匙、鹽1/4茶匙、糖1茶匙、生粉1茶匙、麻油少許
調味: 黑椒汁1湯匙、老抽少許、糖1茶匙
做法: 梅頭豬扒解凍後切細塊，用刀背略拍豬扒兩面後落醃料醃15分鐘；
三色椒切片；洋蔥切片；燒熱鑊落油將豬扒煎至熟後放在鑊邊旁，
加蒜蓉和洋蔥快炒後，加入調味和水半碗煮至汁濃後，
落埋三色椒炒勻後，加生粉水埋芡汁，上碟後灑上少許黑胡椒碎便成。
大家可以入嚟Facebook讚下我新開嘅Fans專頁呀!
腳痛真係好困擾人,正所謂簡直吋步難行, 明白的! 希望你早日痊癒.
回覆刪除多謝關心呀! ^.^
刪除快D好番啦。 我會相針灸多D。
回覆刪除可能我唔太嚴重，所以唔使針灸呀!
刪除乜你買得咁平呀？我買108蚊呀，好彩幫自己買咋，否則畀人話我打斧頭。
回覆刪除係呀，我樓下果間759賣緊$100有4包呀!
刪除請問用邊隻牌子黑椒汁?
回覆刪除