金銀蒜粉絲蒸帆立貝

金銀蒜粉絲蒸帆立貝，

今次就用蠔油、老抽和水嚟煮粉絲，

等粉絲索哂D汁後，

先舖上帆立貝一齊蒸，

咁蒸出嚟嘅粉絲一D都唔乾身，

好軟仲好入味添架!

材料: 帆立貝1磅、粉絲適量、蒜蓉1湯匙、炸蒜粒1湯匙、蔥粒、

辣椒仔2隻、滾油適量

煮粉絲料: 蠔油大半湯匙、老抽1茶匙、大半碗水

調味: 蒸魚豉油、麻油

做法: 帆立貝解凍後，用廚紙索乾水份備用；

粉絲浸軟後隔去水份，放入煮粉絲料內煮滾後熄火燜10分鐘；

將蒜蓉和炸蒜粒放入油鑊略炒後盛起備用；

將粉絲舖在蒸碟內，舖上帆立貝和金銀蒜，放入熱水鑊內蒸3~4分鐘，

灑上蔥粒和辣椒粒後，贊上熱滾油後，淋上調味便成。

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page