鹽焗雞

今餐有鹽焗雞食，

用咗四季鹽焗雞粉嚟醃雞，

隻雞係噚日醃定，

大大話話醃咗有1日半，

都幾入味架!

點埋自製薑蔥蓉，

開飯囉!

材料: 雞1隻、鹽焗雞粉1包、薑4片(拍扁)、蔥段

做法: 雞清洗乾淨後，用廚紙索乾雞身和雞肚內，

加入鹽焗粉搽勻雞全身和雞肚，將薑片和蔥段塞入雞肚內，

用保鮮紙封好後，放入雪櫃雪隔夜；

第二日從雪櫃取出雞，將雞待室溫1小時後，放入熱水鑊內蒸25分鐘，

熄火後唔好開蓋再焗多5分鐘後，又或用蒸焗用100度蒸焗35分鐘，

取出雞放涼斬件。

~自製薑蔥蓉做法: 將薑剁成蓉，加入蔥粒，

落蒸魚豉油、鹽少許、麻油和贊上熱滾油，撈勻便成。

~蒸雞時間長短，要視乎雞隻嘅大小而增加或減少。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page