蟲草花胡椒豬肚雞湯

話說今朝有人半夜起身睇電視，

見到有個節目介紹煲胡椒豬肚湯，

就係咁，

當我起身後就話要飲呢個湯喎!

我見依家排骨和雞都係差不多價錢，

所以決定煲咗呢個蟲草花胡椒豬肚雞湯喇!

今日靚湯～椰子海底椰紅蘿蔔煲雞湯

今日靚湯～椰子海底椰紅蘿蔔煲雞湯；

買咗個新鮮椰子，

街市姐姐幫我倒出椰子水和開椰子肉，

配埋一包新鮮海底椰，

加隻雞和紅蘿蔔(有泥)；

煲出嚟啖湯好清甜架!

灼碟油菜，

加碗雞湯兼食埋D雞肉，

簡簡單單又一餐囉!

藥膳雞腳

上次去朋友嘅party，

食咗個非常足料嘅藥膳雞腳，

順便攞埋新配方返嚟，

今日有時間就嚟實踐下喇!

涼瓜咸菜黃豆排骨湯

今日靚湯~涼瓜咸菜黃豆排骨湯，

有清熱解毒、健脾、防熱痱濕疹等功效，

常飲嘅話應該可以同暗瘡講Bye Bye啦!

不過胃寒嘅朋友就唔好飲咁多啦!

老火湯~金銀菜紅蘿蔔雞腳排骨湯

停咗幾星期嘅朱家老火湯又出爐啦!

今日煲金銀菜紅蘿蔔雞腳排骨湯，

加埋南北杏陳皮蜜棗一齊煲，

有清熱、潤肺、通便、生津等功效架!

用上自家曬家鄉靚菜乾，

冇添加防腐劑，

咁緊係要飲多碗湯啦!

冬菇蠔豉花生炆豬手

今日去超市買豬肉，

見亞姐整理緊隻靚靚豬手，

一隻要$60，

都唔知貴唔貴囉!

亞姐幫我斬完隻豬手後，

睇落好似唔夠食咁喎，

還掂都係炆，

一於買多隻豬腳，

炆咗一大煲冬菇蠔豉花生炆豬手喇!

哈，

呢個餸係咪好似過年餸呢!

南瓜粟米紅蘿蔔雞腳排骨湯

話時話，

我都好耐冇煲老火湯啦!

見噚日行山行到我腳仔軟，

今日即刻買D雞腳返嚟煲個湯補一補對腳先得!

南瓜粟米紅蘿蔔雞腳排骨湯，

清甜好飲，

正呀!

馬來西亞肉骨茶

上次煲肉骨茶，

小魔怪話唔夠佢食喎!

今次就買足料嚟煲呢煲肉骨茶，

點知小魔怪臨時唔返嚟食飯，

咁唯有我同老公一齊嘆頭啖湯啦!

煲冬瓜~冬瓜薏米瑤柱排骨湯

噚日煲呢個冬瓜湯，

材料超級簡單，

好飲又消暑，

唔錯架!

蓮藕鱆魚綠豆馬蹄煲排骨

一年一度牙醫檢查又嚟啦!

知道洗完牙一定會牙軟，

咩都食唔到，

唯有一早煲定湯，

撈湯食飯算喇!

南乳蓮藕花生支竹炆豬手

今日屋企冇wifi用，

攪到頭都大哂，

拿拿臨即刻買個router返嚟，

攪咗我成個幾兩個鐘先可以用wifi上網，

俾電訊商玩C我啦!

講返今日整呢個南乳蓮藕花生炆豬手，

原來我兩年前今日都係整呢個餸，

妳哋話橋唔橋呢???

節瓜鱆魚雞腳眉豆花生豬腱湯

今日黃昏時間，

小魔怪會由馬來西亞飛返香港，

結束佢嘅悠長假期，

開始要實實際際搵工，

投入呢個現實社會了；

攪笑係佢噚晚whatsapp我，

佢話嚟緊呢個星期都要食素，

點解???

咪就係佢呢16日馬來西亞之旅，

餐餐都大魚大肉，

肥咗好多囉!

又嚟例湯~木瓜眉豆花生豬腱紅棗湯

木瓜眉豆花生雞腳豬腱紅棗湯，

又係朱家家常例湯之一；

今次揀咗個大木瓜，

而且仲係紅肉添，

煲出嚟嘅湯特別甜架!

梅菜鴨

星期五落咗元朗最主要嘅目的，

就係要去街市係買隻鴨返嚟喇!

呢隻鴨有成4斤重，

真係好重手架!

整梅菜鴨，

緊係要用惠州特產~甜梅菜啦!

素湯~蓮藕馬蹄甘筍眉豆花生湯

噚晚煲咗呢個素湯~蓮藕馬蹄甘筍眉豆花生湯，

唔使講落咗咁多料，

個湯肯定好甜!

最重要係所有煲湯料都可以當餸食，

一D都唔嘥呀!

菜乾蠔豉豬腱粥

今日煲咗菜乾蠔豉豬腱粥做晚餐

因為老公下午要去洗牙，

洗完牙肯定會牙軟軟，

所以食粥就最啱喇!

配埋魚肉燒賣，

咁又一餐!

雪梨山楂甜菊葉水

每次去雲泉仙館，

我都會去附近攤檔買嘢，

攤檔亞姐好鬼好人，

幫我配咗大大包雪梨山楂甜菊葉用嚟煲水飲，

冷飲熱飲都得，

清甜又解渴，

大魔怪好鐘意飲架!

蓮藕鱆魚馬蹄綠豆煲豬腱

前日買咗個有泥嘅蓮藕用嚟煲湯，

睇落去好污漕，

但呢個蓮藕好粉兼有蓮藕絲，

用嚟煲湯就最啱啦!

素湯~粉葛紅蘿蔔粟米栗子湯

雀后湯水又出籠啦!

襯大魔怪今日返嚟食飯，

所以今次煲素湯~粉葛紅蘿蔔粟米栗子湯，

加埋赤小豆扁豆花豆一齊煲，

一個字~甜!

咸鴨腎蠔豉瑤柱豬腱粥

仲有3日屋企就會進行大裝修，

雀后煮埋呢餐就要收爐啦!

希望裝修工程可以係2個月內完成，

到時就可以再見大家啦!

不過我都會定時上facebook，

同大家say hi架!

今次呢餐煲咸鴨腎蠔豉瑤柱豬腱粥，

加埋油炸鬼和牛脷酥，

快靚正呀!