仲有3日屋企就會進行大裝修，
雀后煮埋呢餐就要收爐啦!
希望裝修工程可以係2個月內完成，
到時就可以再見大家啦!
不過我都會定時上facebook，
同大家say hi架!
今次呢餐煲咸鴨腎蠔豉瑤柱豬腱粥，
加埋油炸鬼和牛脷酥，
快靚正呀!
材料: 米1杯、豬腱肉$20、瑤柱6粒、蠔豉25粒、咸鴨腎3個、薑片4片
做法: 豬腱洗淨後切片；咸鴨腎、蠔豉和瑤柱浸15分鐘；
米洗淨後落1/4茶匙鹽和少許油撈勻備用；
將9碗水放入Staub鍋內煮滾後，落咸鴨腎、豬腱肉、蠔豉、瑤柱和薑片，
用中大火滾後小火滾30分鐘後落米，
再煲滾後轉小火煲至粥棉(約1小時左右)，
按個人口味加入鹽調味便成。(我冇落，因為已經夠哂味道啦!)
(記得咸鴨腎煲咗30分鐘後取出切片，再放入煲內繼續煲!)
米洗淨後落1/4茶匙鹽和少許油撈勻備用；
將9碗水放入Staub鍋內煮滾後，落咸鴨腎、豬腱肉、蠔豉、瑤柱和薑片，
用中大火滾後小火滾30分鐘後落米，
再煲滾後轉小火煲至粥棉(約1小時左右)，
按個人口味加入鹽調味便成。(我冇落，因為已經夠哂味道啦!)
(記得咸鴨腎煲咗30分鐘後取出切片，再放入煲內繼續煲!)
要做無飯煮婦兩個月...呢個粥好味
回覆刪除係囉，唔煮飯好得閒，都唔知做咩好呀!
刪除兩個月唔洗煮飯，真爽！
回覆刪除日日出街食，我驚有味精呀!
刪除祝一切順利。我上星期都因家裏裝修，搬咗去酒店服務式住宅。有點不便，希望快啲習慣及工程如期完成。
回覆刪除我都希望快D完成工程呀!
刪除我每日都有看你之BLOG, 那你是否2個月後才更新BLOG??
回覆刪除都唔一定架，如果可以我都會間中更新個blog，不過可能唔係寫食譜囉!
刪除想知我嘅近況，可以入我個人facebook睇下呀!
呢個粥一定好下火,我都好耐冇食牛脷酥喇,我一定會上facebook留意雀后的近況呢^^
回覆刪除啊！你唔煮，重要日日出街食，一定好辛苦
回覆刪除