大澳，
一個好熟悉嘅名字，
但又唔會成日去嘅地方；
老公見小魔怪返咗嚟，
想同佢出外行下；
今朝大清早起身，
坐輕鐵去屯門碼頭，
落車就見到碼頭架啦!
左面去大澳，
右面去澳門，
呢一刻心動想去澳門添!
係翠華食咗個早餐就排隊上船，
下層有冷氣，
上層就要吹吹風啦!
沿途見到興建中的港珠澳大橋，
仲有好多飄浮嘅垃圾。
沿住碼頭經過買海味嘅舖頭，
穿過條橋，
我哋慢慢行去大澳文物酒店，
呢度前身係大澳警署，
二級歷史建築嚟架!
沿海邊行見到好多垃圾，
聽人話呢D垃圾係大陸果邊飄過嚟，
嘩，
真係好嚴重喎!
我哋行返出大街，
又到搵食嘅時間啦!
天時暑熱，
唔啤啤佢都唔得啦!
食完飯，
老公話繼續行去棚屋果邊，
行咗一個大圈先返到碼頭附近，
熱得咁犀利，
耍食碗凍豆腐花涼一涼先得。
我哋搭2點船返屯門，
再返到天水圍原來仲熱有成36度，
想熱死人咩!
咦、無手信！？
回覆刪除今次好忍手，因為屋企就嚟裝修，唔想再買嘢返嚟，等裝修完先再買過呀!
刪除下次可以行去靈忍寺食齋, 好好味,不過要由大澳行去薑山要半小時有多, 坐的士去又比的士大哥黑面.......
回覆刪除好提議，不過如果要再行，可能要揀秋涼或冬天先啱，夏天行會好易中暑架!
刪除屯門有船去大澳好方便, 我以前係大澳工作過, 要搭地鐵轉巴士, 個幾兩個鐘先去到大澳
回覆刪除屯門~東涌~沙螺灣~大澳，全程都唔使1小時，好快到呀!
刪除36度太熱了.
回覆刪除熱死我!
刪除今日太熱，咁行法真可減肥。
回覆刪除果日熱到呢，我出咗成年嘅汗量呀!
刪除嘩原來今日36度唔怪之熱到好似蒸籠咁喇 , 豆腐花樣子好滑呀 , 睇見都好想食 .
回覆刪除果日又曬又熱呀!
刪除幾時帶我去呀！ 仔仔肥左喎，是你 ''曹'' 肥佢？
回覆刪除哈哈，佢係英國返嚟，個個都話佢肥咗，佢好唔開心呀!
刪除咁熱，我要躲在冷氣間
回覆刪除我都係咁話呀!
刪除今日咁熱，坐船吹吓風，舒服D。
回覆刪除果日太熱，吹出嚟嘅係熱風呀!
刪除我之前去過間文物酒店，唔錯架
回覆刪除都幾靚架!
刪除36度咁熱, wow ><
回覆刪除熱死我啦!
刪除豆腐花好正呀。
回覆刪除Yummy yummy!
刪除