雜菌炒麵

大魔怪話想食脆卜卜麵，

整呢個係唔難，

但好鬼煩囉!

不過見佢食得咁滋味，

我係廚房熱到出嘅所有汗，

係冇白費架!

材料: 炒麵2個、冬菇7隻、舞菇1包、菜芯6條、生粉1茶匙

調味: 蠔油1湯匙、豉油1湯匙、老抽半湯匙、糖1茶匙、鹽少許、水1碗半

做法: 冬菇浸軟切片；舞菇去蒂備用；

燒熱水，先灼熟菜芯備用；再放入炒麵灼至軟身後瀝乾水份；

白鑊炒香舞菇和冬菇，加入調味煮滾後，落少許生粉水埋獻汁；

燒熱油鑊分2至3次加入炒麵煎至麵脆後，反轉煎另一面，

用廚紙索乾炒麵油份後，舖上菜芯和將雜菇淋在麵上便成。

  

 

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page