冬菇支竹炆豬腩肉

 

今日煮煲仔菜~冬菇支竹炆豬腩肉，

用咗BB娃娃菜舖底，

咁就一個餸有齊肉、菜、冬菇和支竹，

慳水慳力，

碟都洗少隻呀!

材料: 帶皮豬腩肉1條、冬菇3隻(大)、支竹適量、BB娃娃菜3棵、

薑3片、蒜蓉、紹酒

調味: 蠔油1湯匙、豉油1湯匙、老抽少許、冰糖適量

做法: 豬腩肉洗淨後，放入鍋內加水和紹酒煮滾5分鐘，取出切件備用；

冬菇和支竹浸軟後，冬菇切片，支竹剪段；

燒熱油鑊落薑、豬腩肉和冬菇先爆香後贊紹酒炒勻；

落調味和1.5碗水煮滾，轉小火慢慢炆30分鐘；

加入支竹炆多15分鐘後，加生粉水埋芡汁；

燒熱鍋落油、蒜蓉和BB娃娃菜炒勻，加入冬菇支竹豬腩肉，

蓋上鍋蓋煮多2分鐘便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page