老公終於好番哂啦!
所以今日我就整咗佢至愛嘅~咸魚豬肉煎餅。
佢讚好好食，
仲添咗2碗飯呀!
材料: 梅香咸魚1/4件、梅頭豬肉碎$35(半肥瘦肉)、乾蔥頭一個
醃料: 豉油2茶匙、糖1茶匙、生粉1茶匙、麻油少許、水2湯匙
做法: 將梅香咸魚拆肉切粒；乾蔥頭切碎；
將豬肉碎、咸魚碎和乾蔥碎放入大碗內，加入醃料攪勻，雪一小時；
從雪櫃取出豬肉餡待室溫45分鐘；將豬肉餡分10分搓成球再壓成餅，
放入易潔鑊中煎至肉餅兩邊金黃色或至熟便成。
~中途需要蓋上鑊蓋，用煎焗方式咁肉餅就更易熟呀!
~呢個客家咸魚豬肉餡料係百搭架，用嚟釀豆腐、釀苦瓜、釀茄子，
又可以用嚟整魚香茄子，真係點整都咁好食呀!
~客家咸魚豬肉餡，必須要落乾蔥碎，特別好食架!
我都好想食呀！
回覆刪除妳都整嚟食啦!
刪除有鹹魚，更惹味呀
回覆刪除係呀!有咸魚真係好食到唔停得口架!
刪除煎肉餅好易散開，想請教，有冇辦法煎時唔會散開呢。
回覆刪除放入鑊內煎後，千祁唔好急住反面，要等個餅煎成型後，
刪除先好反面，咁個肉餅就唔會咁易散架喇!