木瓜豆腐魚尾湯；
木瓜係老公嘅單車友人自家種有機木瓜，
老公攞個木瓜返嚟時青BB，
擺咗成個星期先開始熟少少咋!
配埋豆腐和鯇魚尾一齊煲，
兩個字可以形容~鮮甜!
呢煲湯湯渣全部食哂，
一D都唔嘥呀!
材料: 木瓜1個、鯇魚尾1條、豆腐1磚、薑2大片(拍扁)、胡椒粉適量
做法: 木瓜去皮去籽切件；豆腐切件；鯇魚尾洗淨備用；
燒熱油鑊落薑片煎香，加入鯇魚尾煎香兩面後，
加入適量熱滾水和木瓜滾18分鐘後，落埋豆腐滾多2分鐘，
最後落胡椒粉和鹽調味便成。
~滾出奶白色魚湯，秘訣係煎魚後要落大滾熱水和用大火滾出味道，
咁D湯就會奶白色架喇!
呢個湯好正
回覆刪除好鮮甜，好好飲呀!
刪除自家種木瓜，夠哂甜啦
回覆刪除個湯真係好甜呀!
刪除呢個湯好正呀！
回覆刪除Yummy yummy!
刪除