今日我又係佳寶買咗2樽黃豆醬，
$20有2樽，
真係好抵用!
用嚟醃排骨、炆牛腩、煮豆角都好好食架!
材料: 肉豆1扎、梅頭瘦肉$35、蒜蓉、紹酒少許
醃料: 豉油半湯匙、鹽半茶匙、糖1茶匙、生粉1茶匙、麻油少許
調味: 黃豆醬1湯匙、糖1茶匙、老抽少許(調色)
做法: 梅頭瘦肉切片，落醃料醃30分鐘；豆色去頭尾切段；
燒熱鑊落油，加梅頭瘦肉略煎至8~9成熟後盛起；
原鑊落少許油，加入肉豆和蒜蓉快炒後贊紹酒少許，
落調味炒勻後加1碗水左右炆至豆熟後，加埋豬肉片煮多一陣，
最後落少許生粉水埋芡汁便成。
大家可以入嚟Facebook讚下我新開嘅Fans專頁呀!
豆醬好味
回覆刪除係，我都好鐘意豆醬嘅味道架!
刪除雀后,
回覆刪除我想講, 你個人真係好有心. 因為稍有煮開飯的人,縱使是從未煮過果味餸,跟本就絕少在乎醬料用量.跟人學, 大概聽人講醃料用乜,調味用乜...跟住就自由發揮囉!
你很好! 你很詳細紀錄份量及步驟(量份量是非常費時), 令初入廚人士也容易掌握到.
多謝你的默默付出! 多謝!
因為之前好多朋友仔都會問有關落幾多調味料嘅份量，所以我就按我自己口味寫出嚟，
刪除但每個人口味都有唔同，真係要落手落腳煮時，調味料份量就要自行調配喇!
我介紹左阿E食呢個豆醬，又成左佢至愛呀！
回覆刪除亞E口味都同我幾似架!^.^
刪除