群帶菜肉碎雞蛋湯

平日唔煲老火湯，

我就滾啖湯飲下啦!

群帶菜肉碎雞蛋湯，

呢個湯滾8~10分鐘就有得飲，

真係快靚正呀!

咸魚茄子肉碎

今日老公斬咗係大亞灣買嘅咸魚，

老公話D咸魚肉好香，

魚肉係實肉的，

但由於魚骨太硬有D難斬，

於是佢拆咗D碎咸魚肉出嚟，

我就用咗D碎咸魚肉，

整咗呢碟咸魚茄子肉碎喇!

咖哩薯仔牛筋腩

 

上次整呢個咖哩薯仔牛筋腩，

(食譜click上面紅色字👆👆👆)

因為小魔怪返咗工冇得食，

今日見佢WFH，

所以即刻整俾佢食呀!

佢鐘意用呢款土耳其全麥薄餅點咖哩食，

真係特別好食架!

母親大人75歲生日宴

噚日，

我哋黃氏一家為母親大人慶祝75歲生日，

4個孫仔孫女，

齊齊夾錢買咗個蛋糕送俾婆婆，

我哋係石門富臨皇宮訂咗間房，

3點半就交廳俾我哋打麻雀呀!

我哋訂咗個祝壽宴$4988，

原本呢個餐係冇龍蝦伊麵，

D後生話冇龍蝦唔似飲宴，

所以叫咗上湯和芝士龍蝦伊麵，

到最後嘅炒飯和伊麵，

我拎咗返屋企做咗今日嘅午餐和晚餐呀!

呢餐總共食咗$5864。

芥末籽炸雞

好耐冇炸嘢，

前兩日整咗呢碟芥末籽炸雞，

雞皮炸到脆卜卜，

真係唔啤啤佢都唔得啦!

XO醬韭菜花小炒皇

XO醬韭菜花小炒皇，

裡面有咩材料???

韭菜花、甘筍絲、虎蝦乾、魷魚乾、梅頭豬肉絲和腰果，

呢個餸大魔怪好鐘意食架!

因為我加咗辣XO醬落去一齊炒，

特別惹味架!

節瓜冬菇炆燒肉

燒肉係上星期係蓮塘口岸買的，

今晚就用佢嚟煮咗節瓜冬菇炆燒肉，

我只係用咗蠔油和糖調味，

簡簡單單唔花巧，

送飯一流呀!

鳳爪蒸排骨

今晚大魔怪臨時返嚟食飯，

好彩我煮咗一大碟鳳爪蒸排骨，

足夠佢食呀!

養生壺~花旗參石斛養肝湯

今晚得我和老公兩個人食飯，

簡簡單單用養生壺煲咗個花旗參石斛養肝湯；

呢個湯包係美團優選買嘅，

我每次返惠州前一日落單，

第二日返到去就到惠州屋企附近便利店攞貨，

美團優選好似超市咁，

有菜有肉有生果，

糧油雜貨、清潔用品等等都有得賣，

真係好方便架!

涼拌麻辣火雞腎

今晚整咗涼拌麻辣火雞腎，

呢碟涼拌餸，

最緊要係個麻辣汁，

只要調啱自己喜歡嘅味道，

真係涼拌咩都咁好食架!

清蒸深海泥鯭

噚日去咗街市買魚，

魚檔亞姐介紹呢兩條話叫深海泥鯭，

我未食過唔知好唔好食，

旁邊有街坊話呢條魚幾好食，

佢成日買嚟食喎!

見魚生生猛猛彈來彈去，

兩條$50又唔算貴，

於是買咗兩條嚟試下，

用果皮隔水蒸8分鐘，

灑上蔥花和淋上滾油，

最後淋少少蒸魚豉油點嚟食，

肉實實哋，

唔錯喎!

返惠州

5月16日星期四，

老公和我返咗惠州，

最主要係返去收淘寶貨，

早在4月中已經寄到屋企附近快遞超市，

原本諗住4月尾會返去攞，

點知拖拖拉拉又要去旅行，

所以攪到依家先返惠州取貨，

好在放咁耐係唔使收錢呀!

2024福建、潮汕、梅州之旅~第四日(完結篇)

2024年5月11日(星期六)

今朝又係7點半morning call，

食飽飽早餐後，

準時9點出發，

大約1個半小時車程就去潮州啦!

我哋坐電瓶車入潮州古城遊廣濟橋。

2024福建、潮汕、梅州之旅~第三日

2024年5月10日(星期五)

今朝7點半morning call，

食完早餐後，

準時9點出發去網紅打咭點~頂澳仔貓街。

補食母親節飯

今日我哋一家和大魔怪女朋友仔，

5個人齊齊去食日式放題，

補番食母親節飯；

噚晚大魔怪女朋友仔送咗扎花俾我，

好開心呀!

過咗母親節都有花收!

我哋去咗極尚大瀛喜日本料理 - 元朗店，

12點食到3點，

好多款食品揀，

大家都食得好滿足，

佢哋話晚餐都應該唔使食囉!

2024福建、潮汕、梅州之旅~第二日

2024年5月9日(星期四)

今朝行程非常緊密，

所以7點就morning call；

呢餐早餐非常豐富，

選擇又多，

係呢個旅程最滿意嘅早餐呀!

2024福建、潮汕、梅州之旅~第一日

2024年5月8日(星期三)

今朝8點要到高鐵西九站集合，

我、老公和姑奶7點15分左右已經到咗西九，

他他條條食埋個早餐就到集合點等喇!

我哋個大陸導遊已經到咗西九接我哋，

但由於佢係香港唔可以做嘢，

所以旅行社派咗個代表協助我哋派車票，

而大陸導遊就陪同我哋23個團友一齊過關，

準時搭9點26分出發到潮汕站落車。

母親節的日常

大小魔怪原本約咗我和老公噚日食母親節飯架!

但由於我哋噚晚先由潮州返香港，

而今日大魔怪又要去女朋友仔家慶祝母親節，

唔怕喎!

日日都係母親節，

星期三佛誕慶祝都唔遲呀!

今朝食番平時食開嘅早餐特別好食，

午餐小魔怪話唔使我煮，

叫外賣呀!

晚餐簡單煮家常菜，

白切雞、蠔油豆腐肉碎和灼菜芯。

2024福建、潮汕、梅州之旅~手信篇

5月8日~11日，

我、老公和姑奶3個人，

參加關鍵旅行社嘅福建、潮汕、梅州4日之旅，

玩咗4日，

買嘅手信全部都係當地特產，

最後片仔癀煥顏珍珠霜係導遊推薦的。

2024福建、潮汕、梅州之旅~明天出發

明天，

我、老公和姑奶，

3個人參加旅行團去福建、潮汕、梅州玩4日，

團費$1999+保險$182，

導遊費每日$100共$400，

團費包埋所有自費活動，

4日食足9餐，

有一餐自費食漳州小食，

全程住5星酒店，

明天早上8點西九高鐵站集合呀!

粟米燴魚柳

冰箱仲有兩條魚柳，

我原本想整吉列魚柳，

點知屋企冇麵包糠，

唯有改整粟米燴魚柳啦!

魚柳炸咗2次，

淋咗栗米汁都仲有少少脆身呀!

香煎雞膇

今日我又買咗1包雞膇返屋企，

醃咗半日落鑊煎香佢，

大小魔怪好鐘意食架!

因為佢哋都係食肉獸，

總之係肉就鐘意食架啦!

嘻嘻，

我都唔覺意食咗3件，

好味道呀!

豉汁涼瓜排骨

今日買咗老公至愛食嘅涼瓜，

佢鐘意到不得了，

佢話食呢個餸一定要添飯呀!

嘻嘻，

2杯米話咁快就食哂啦!

燒肉兩食

响蓮塘口岸買咗咁多盒燒肉返嚟，

每日都有煮嚟食架!

冬瓜豆腐卜炆火腩和支竹冬菇炆火腩，

唔知大家鐘意食邊款呢???

清爽哂

依排我嘅白頭髮長得太快喇!

今朝走咗去整新髮色；

今次冇上次坐得咁耐，

我9點鐘去到髮型屋，

1點半左右就完成喇!

未染髮之前，

剪咗一個半垃圾鏟咁多頭髮，

成個人感覺輕咗好多，

呢個夏天清爽哂，

我有預感我D頭髮會壞剪越短囉!

五指毛桃牛大力淮山豬骨湯

噚日係惠州買咗五指毛桃和牛大力，

今日即刻煲嚟飲呀!

呢個湯水有健脾補肺、止咳化痰、清熱祛濕等功效。