今日買咗老公至愛食嘅涼瓜，
佢鐘意到不得了，
佢話食呢個餸一定要添飯呀!
嘻嘻，
2杯米話咁快就食哂啦!
材料: 涼瓜1個、腩排$50、洋蔥半個、蒜蓉、即食豆豉粒半湯匙
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、豉油半湯匙、老抽適量、鹽少許、糖1茶匙、水1碗
做法: 腩排洗淨後落醃料醃1小時；涼瓜去囊後切片；洋蔥切片；
燒熱水落少許鹽，灼涼瓜30秒左右後撈起瀝乾水份；
燒熱油鑊落腩排略煎兩面後，加調味炆排骨15~20分鐘；
燒熱油鑊落蒜蓉豆豉爆香，落洋蔥和涼瓜快炒，
加入腩排(連炆排骨汁)煮多5~8分鐘，
最後落老抽調色和落生粉水埋獻汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!