今日我又買咗1包雞膇返屋企，
醃咗半日落鑊煎香佢，
大小魔怪好鐘意食架!
因為佢哋都係食肉獸，
總之係肉就鐘意食架啦!
嘻嘻，
我都唔覺意食咗3件，
好味道呀!
材料: 雞膇12隻、蒜蓉、薑蓉
醃料: 鹽1.5茶匙、黑胡椒碎適量、孜然粉適量、辣椒粉適量
調味: 七味粉
做法: 雞膇解凍後，係雞膇背而界開2刀，盡量打開雞膇(易入味和易熟)；
將雞膇放入大碗，加入醃料、蒜蓉和薑蓉，撈勻後放入雪櫃雪半日；
從雪櫃取出雞膇放室溫1小時；盡量抹去雞膇上蒜蓉和薑蓉，
放入油鑊內半煎炸至兩面金黃色後上碟，灑上七味粉拌食便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!