2019桂林遊(4日3夜)~第一日

5月27日星期一

今次我和老公又係參加大航假期辦嘅桂林4日3夜旅行團，

8點45分係西九龍集合，

搭高鐵去深圳北，

再轉高鐵到桂林。

天水圍出西九好快架，

搭西鐵去柯士甸站C出口就連接到高鐵站入口架啦!

2019桂林遊(4日3夜)~手信篇

今次我哋兩個都算好忍手，

所以貴價嘅銀器、健康枕頭、健康床褥、雞血石等等，

我哋一件都冇買，

剩係買咗少少嘢食咋!

上面果D小食係買嚟係高鐵上面食架

4日3夜桂林遊

明天老公和我會跟團去桂林玩4日3夜，

原來參加$899由深圳出發果團架!

可惜唔成行，

唯有即刻改參加$1099呢團，

由西九出發搭高鐵去深圳北或廣州南，

再轉和諧號(動車)去桂林呀!

母親大人70歲生日快樂

母親大人70歲啦!

佢唔貪靚咋，

如果染黑D頭髮，

真係一D都唔似70歲架!

炆冬菇

見Antia炆冬菇，

我又炆埋一份先得!

炆定放係冰箱，

想幾時攞出嚟加餸就得啦!

話時話，

依家花菇好貴$288斤呀!

深圳一日遊

今日約咗老公朋友一齊去深圳飲飲食食，

大家都係唔plan行程嘅人，

坐低飲茶時先問去邊度，

哈哈，

真係服咗佢哋囉!

好彩老公有個朋友都幾熟深圳，

帶我哋去做一日偽文青，

行博物館和書城，

仲俾Carman笑我哋好似跟旅行團行程添呀!

諗落又真係幾似喎!

日式咖哩牛肉飯

係冇新鮮豬牛羊供應期間，

我哋唔係食冰鮮雞就係食急凍牛肉，

不過間中都食魚架!

呢餐我哋就揀食牛喇!

呢個亦都係小魔怪帶飯餸嚟架!

韭菜餃子

之前係惠州買咗2蚊韭菜返香港，

真係平到離哂譜，

大大扎最好就用嚟包餃子架啦!

雖然今次買嘅係冰鮮豬肉，

但食落都真係冇咩分別，

買咗1斤攪好嘅豬肉碎都係$48，

都算平啦!

今次包咗46隻韭菜豬肉餃子，

23隻韭菜素餃子呀!

惹味雞

冇錯，

今餐又係雞，

原本想整豉椒炆雞，

點知屋企冇哂豆豉粒，

唯有改變下口味，

加辣豆瓣醬嚟炆，

一樣咁惹味呀!

西餅蛋糕製作精選實習班(八)~9,10堂

呢個課程係5月初已經上完啦!

嚟緊6月中又開始上堂，

今次唔係整蛋糕，

係學整麵包呀!

第九堂~法國波爾多Cammele 夏日布甸

竹蔗茅根甘筍馬蹄水

天時暑熱，

係時候要煲涼茶潤一潤啦!

今日就煲咗一大鍋竹蔗茅根甘筍馬蹄水，

有消暑清熱、利尿、生津、潤肺等功效，

熱飲凍飲都得，

大小魔怪和我就最鐘意雪凍嚟飲架喇!

回鄉

噚日姑奶、老公和我齊齊返惠州，

主要係上去開個銀行戶口，

順便開通埋微信支付功能，

咁返大陸就唔使帶咁多現金啦!

買嘢就更加方便呀!

不過提提大家，

由羅湖汽車站搭人巴返惠州，

車費又加價喇!

由原本60人民幣加到65人民幣呀!

男人的浪漫~枝竹豆腐炆火腩

依家冇新鮮豬肉賣，

改食燒肉都係一個唔錯嘅選擇；

平時食親燒味飯，

佢哋兩仔爺都鐘意食燒肉，

所以今餐就煮咗呢個男人的浪漫~枝竹豆腐炆火腩，

哈哈，

老公和小魔怪都大叫添飯呀!

黑椒香草烤雞

呢排冇豬肉食，

真係有少少唔習慣囉!

唔食豬，

改食雞都應該一樣啫!

母親節大餐

噚日母親節，

姐夫做大廚，

而我就拎咗兩樣餸過去，

妹妹負責買蛋糕，

一家人開開心心聚會去。

乾燒伊麵

今日係母親節，

祝天下母親~母親節快樂呀!

今朝一早去街市買哂材料，

整咗呢盒乾燒伊麵，

帶埋噚日整嘅花生炆鳳爪，

一陣出沙田姐姐家慶祝母親節呀!

花生炆鳳爪

明天係母親節，

我哋幾姐妹約埋母親大人齊齊去姐姐家聚會；

晚上我哋唔諗住出去同人逼食飯，

所以每家人都會準備幾個餸菜，

齊齊開大食會啦喂!

今日我就炆定呢個花生鳳爪，

明早再炒個乾燒伊麵，

帶過去姐姐家呀!

炸腐皮墨魚卷

仲有3/4塊腐皮係雪櫃，

拿拿臨買咗6兩($30)墨魚滑返屋企，

整咗呢個炸炸腐皮墨魚卷，

蘸上泰式雞醬，

好惹味呀!

客家梅菜炆五花腩肉

買咗舊五花腩肉，

緊係要用嚟整客家梅菜炆腩肉啦!

呢個餸最啱小魔怪用嚟帶飯架喇!

電飯煲煲粥~皮蛋瑤柱咸排骨粥

3年前專登買咗個電飯煲仔俾小魔怪拎去英國用，

當佢讀完書後，

死重爛重咁又拎咗返嚟香港，

佢話用開有感情，

唔捨得留俾人喎!

但拎咗返嚟咁耐，

我都冇咩點用，

今日就用佢嚟煲粥，

估唔到又幾好用喎!

香煎素腐皮卷

好耐冇包素腐皮卷，

噚日包定D素腐皮卷，

今朝煎咗6條俾大小魔怪帶飯，

其餘4條就做咗我哋嘅午餐喇!

冬瓜薏米瑤柱排骨湯

冬瓜薏米瑤柱排骨湯，

係朱家常飲湯水之一，

有消暑袪濕等功效架!

好茅啊~香茅雞翼&豬扒

今日行街市見到有香茅賣，

5蚊有3支，

拿拿臨買番屋企整香茅雞翼&豬扒先得!

西餅蛋糕製作精選實習班(八)~6,7,8堂

第六堂~狗形栗子忌廉蛋糕，

哈哈，

一個唔似狗形嘅蛋糕出世啦!

食椒~青椒炒肉絲

今餐又係得我兩佬食晚餐，

小菜一碟青椒炒肉絲，

簡簡單單又一餐啦喂!

靜靜話俾大家知，

梅頭豬肉買咗三十蚊全部切絲(今餐炒咗半份肉絲)，

青椒仔係菜檔買開菜，

平平哋5個收我2蚊雞，

碟餸成本都係$17咋!

今餐係咪好抵食呢!

香芋椰汁紫米露

噚日煲咗鍋香芋椰汁紫米露，

姐姐和小魔怪都話好好食，

我鐘意佢唔太甜，

食落有椰汁和芋頭嘅香味，

黑糯米又有益，

最啱女人用嚟補身架啦!

再嚟榮休及登陸晚宴

大小魔怪好乖仔，

為咗慶祝老公榮休及登陸晚宴，

今日出錢又出力為老公擺咗2圍，

宴請親戚朋友呀!