黑椒香草烤雞

呢排冇豬肉食，

真係有少少唔習慣囉!

唔食豬，

改食雞都應該一樣啫!

材料: 冰鮮雞1隻、橄欖油1湯匙

醃料: 鹽2.5茶匙(粗鹽)、雜香草適量、黑椒適量、蒜粉適量

做法: 雞洗淨後剪半，用廚紙索乾水份，落醃料搽勻雞身醃8小時或醃隔夜；

從雪櫃取出雞放室溫1小時，焗時係雞身搽少許橄欖油(或牛油)，

將雞放入烤盆內放入焗爐用180度，

先焗雞背20分鐘，反轉焗雞胸20分鐘，

如雞身已經上色，可蓋上錫紙繼續焗至雞熟。

(由於各家用焗爐溫度不一，請自行調較!)

~蒜粉唔同蒜鹽，蒜粉有蒜香味，而蒜鹽就有埋蒜味和鹽味喇!

~冇蒜粉可以直接落蒜蓉一齊醃，不過焗時就要盡量去掉蒜蓉，

唔係隻雞嘅表面會好易燶架啦!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page