男人的浪漫~枝竹豆腐炆火腩

依家冇新鮮豬肉賣，

改食燒肉都係一個唔錯嘅選擇；

平時食親燒味飯，

佢哋兩仔爺都鐘意食燒肉，

所以今餐就煮咗呢個男人的浪漫~枝竹豆腐炆火腩，

哈哈，

老公和小魔怪都大叫添飯呀!

材料: 燒肉半斤、冬菇10隻、豆腐卜$9、枝竹1包、清雞湯1碗、紹酒少許、

蒜蓉、乾蔥絲、薑3片、生粉1.5茶匙(生粉水)、蔥段

調味: 蠔油1.5湯匙、豉油半湯匙、老抽少許、糖1茶匙

做法: 冬菇浸軟去蒂；枝竹浸軟切段；豆腐卜沖水切半；

凍鍋落油燒熱，落蒜蓉、乾蔥絲和薑片先爆香，

加冬菇和燒肉略煎至兩面金黃色後贊酒，

落清雞湯、調味和半碗水煮滾後，

加入枝竹和豆腐卜攪勻，用中細火炆煮15分鐘左右，

最後落蔥段和生粉水埋茨汁攪勻便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page