好茅啊~香茅雞翼&豬扒

今日行街市見到有香茅賣，

5蚊有3支，

拿拿臨買番屋企整香茅雞翼&豬扒先得!

材料: 雞翼8隻、梅頭豬扒3塊、香茅2支(將白色部份切碎)、蒜頭3粒(剁碎)、

乾蔥頭2個(剁碎)、鹽1茶匙、生粉3湯匙、麵粉3湯匙、辣椒仔2隻

醃料: 魚露3湯匙、糖3茶匙、紹酒1湯匙、老抽1茶匙

做法: 將雞翼、豬扒和鹽1茶匙放入盆中加水，

雞翼和豬扒解凍後，用叉拮雞翼背位置幾下，

用廚紙索乾雞翼和豬扒水份後，落醃料、香茅碎、蒜蓉、乾蔥碎，

醃8小時或至隔夜(越醃得耐越入味)；

從雪櫃取出雞翼和豬扒放室溫1小時；

盡量抹去雞翼豬扒上嘅醃料碎；將生粉和麵粉混合，將雞翼逐一撲上麵粉，

放入熱油鑊內用半煎炸方式炸雞翼，

期間可以蓋上鑊蓋用煎焗方法煎熟雞翼，

上碟時用廚紙索乾油份，之後放入豬扒將豬扒煎熟後上碟；

用得唔好嘥，將醃雞翼和豬扒嘅香茅蒜蓉乾蔥碎放入油鑊內炸香，

灑在雞翼豬扒面，再加辣椒粒裝飾便成。

  

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page