深圳一日遊

今日約咗老公朋友一齊去深圳飲飲食食，

大家都係唔plan行程嘅人，

坐低飲茶時先問去邊度，

哈哈，

真係服咗佢哋囉!

好彩老公有個朋友都幾熟深圳，

帶我哋去做一日偽文青，

行博物館和書城，

仲俾Carman笑我哋好似跟旅行團行程添呀!

諗落又真係幾似喎!

如果羅湖搭地鐵就要坐1號線係會展中心轉4號線地鐵，

市民中心站B出口過對而馬路，

就係深圳博物館啦!

而係福田搭地鐵就唔使轉車啦!

入館費用係免費架!

古代深圳館

出咗博物館左行過對而馬路，

就係少年宮書城啦!

行下行下又有收穫。

行到差不多3點幾4點，

搭地鐵落福民站(即水圍)搵食呀!

其實呢度都幾多嘢行，

有人人樂超市，

又有街市，

係有好多橫街有好多舖頭添架!

係水圍行咗一個大圈，

最後決定食呢個雞煲，

新鮮椰青水做湯底，

超級清甜，

走地雞起埋骨用嚟打邊爐，

小店哥話灼15秒就食得喎，

我哋驚唔熟，

都係灼幾分鐘好D囉!

呢餐食咗640人民幣呀!

 新鮮菜3籃

 白切雞冇肥膏雞皮都幾爽脆

椰子雞湯底

羊肚菌花膠湯底 

起咗骨新鮮雞2隻

鯇魚一條切片有3碟

薑蔥鯇魚頭

手切肥牛片

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page