我見好耐冇包餃子，
今日即刻買齊材料包咗52隻餃子嚟食，
咁啱細仔今日WFH，
佢有口福啦!
食剩咗嘅餃子放凍箱，
隨時都有得食喇!
噚日我唔多舒服，
本來冇諗住整蘿蔔糕，
但買哂材料，
唔整好似嘥咗咁，
今日見有番D精神，
所以拿拿臨開工。
今年炸腰果，
炸咗1斤印度腰果加400克越南腰果，
炸咁多今年肯定夠食啦!
我見大家咁都鐘意食豬腳薑，
襯噚日去大魔怪家有聚會，
所以早在7月10日時，
我就開始準備整呢煲豬腳薑喇!
呢排天氣咁熱，
每次煲完薑醋待涼後，
我都會放番係雪櫃，
擺5~6日後，
又攞出嚟煲滾佢，
來來回回煲咗5次左右啦!
加咗豬腳和雞蛋後放雪櫃，
又浸多兩三日就食得啦!
自從腰傷舊患發作之後，
我都唔敢拎重嘢，
所以今次包糭，
我分咗4次買材料呀!
今次包咗24隻有咸蛋黃嘅客家咸肉糭，
小魔怪唔鐘意食咸蛋黃，
我就包咗15隻小型糭(冇咸蛋黃)呀!
好耐冇包餃子啦!
我見屋企有扎韭菜，
拿拿臨買餃子皮和豬肉碎返嚟，
包咗64隻餃子呀!
煎咗10隻餃子俾小魔怪做午餐，
其餘就放入冰箱冷藏，
等幾時食都得啦!
今年只炸腰果，
炸咗一磅咁多，
但原來係唔夠架!
點算???
遲下又要再炸過囉!
呢兩日真係好忙，
噚日忙完餐團年飯，
今日又要整蘿蔔糕，
明天我要去沙田，
攞個圓形蘿蔔糕俾母親大人呀!
今次包呢個韭菜雞蛋豬肉餃，
同平時有少少唔同，
就係我加咗蝦皮落D肉餡度，
食落肉餡好鮮味，
真係好正架!
今日我和大魔怪女朋友仔，
總共包咗66隻餸子，
用咗一半餃子嚟煮越車河粉，
剩番一半放入冰箱。
今日係一年一度包糭嘅大日子，
今年準備包廿零隻糭左右，
總共包咗24隻有咸蛋黃嘅客家咸肉糭，
包咗5隻冇咸蛋黃嘅糭俾小魔怪食呀!
唔知係咪最近covid病毒弱咗好多呢???
老公前兩日有少少病症外(流鼻水和骨痛)，
今日佢話已經冇咩事，
佢連續兩日朝早食咗4粒蓮花清瘟，
行得食得走得又痾得，
雖然自我檢測仍然係兩條線，
不過佢有信心過多兩日就會好番哂架啦!
今日我又買咗豬肉碎嚟食餃子，
用咗上次剩番嘅餃子皮，
包咗52隻木耳雞蛋豬肉餃，
午餐煎咗10隻餃子嚟食，
又幾好味道喎!
今日我突然好想食餃子，
於是即刻拿拿臨買材料嚟包餃子喇!
買咗約1斤半皮$20，
1斤豬肉碎和$5韭菜，
炒咗3隻雞蛋(切碎)加埋落去做餃子餡，
呢度包咗63隻餃子咋!
仲有餃子皮剩，
明天再買料包其他餡先得。
午餐煮咗18隻餃子嚟煮河粉，
其餘的放入冰箱，
隨時再食都得呀!
今朝我開行turbo刨蘿蔔整蘿蔔糕，
6斤多蘿蔔，
加埋切臘味，
整完成身散哂，
今次唔認老都唔得囉！
噚晚老公話想食臘米飯，
咁啱屋企有齊材料，
所以今午就整咗生炒糯米飯俾佢食喇!
今日小魔怪WFH，
佢又有口福喇!
生炒臘味糯米飯，
半盒蓮塘買嘅燒肉，
灼碟菜芯，
開得飯喇!
今日包咗韭菜雞蛋豬肉餃，
1斤餃子皮包咗63隻，
仲剩餃子皮和韭菜餡料，
整咗幾個韭菜盒子做小食，
煎到脆卜卜，
點少少泰式雞醬，
好好味道架!
今日我又包餃子啦!
木耳韭菜豬肉餃，
總共包咗67隻，
咁啱姑奶中午嚟咗，
我煮咗一大鍋木耳韭菜豬肉餃河粉，
食得好滿足呀!
老公話想食生炒糯米飯，
米飯班主叫到點可以托手踭呀!
拿拿臨買齊材料，
開工啦!
兩個人食，
炒咗一大碟，
食剩留番明天再食過。
今日我見冰箱有空位，
又差不多有4個月冇包餃子，
所以拿拿臨買材料，
包我至愛嘅韭菜豬肉雞蛋餃。
1斤餃子皮，
包咗56隻餃子，
仲有餃子皮剩，
睇下明天整咩好；
午餐食湯餃，
我灼咗12隻同老公一齊食，
正呀!
陽過後，
好彩趕得切包糭；
其實之前我有諗過今年唔包糭架!
不過我見自己身體都好番八八九九，
又見街買嘅咸肉糭又貴又唔好食，
所以今日就開工包糭喇!
今年包咗29隻客家咸肉糭，
比以往包少咗一半份量，
量力而為，
明年再包過呀!
今日我見大家都放假在家，
所以買齊材料包餃子~韭菜豬肉雞蛋餃，
大魔怪女朋友仔幫手包，
初初唔熟手包得唔係咁靚，
但之後越包越靚呀!
其中30隻餃子煮河粉做午餐呀!
