唔知係咪最近covid病毒弱咗好多呢???
老公前兩日有少少病症外(流鼻水和骨痛)，
今日佢話已經冇咩事，
佢連續兩日朝早食咗4粒蓮花清瘟，
行得食得走得又痾得，
雖然自我檢測仍然係兩條線，
不過佢有信心過多兩日就會好番哂架啦!
今日我又買咗豬肉碎嚟食餃子，
用咗上次剩番嘅餃子皮，
包咗52隻木耳雞蛋豬肉餃，
午餐煎咗10隻餃子嚟食，
又幾好味道喎!
材料: 豬肉碎1斤、木耳2朵、雞蛋4隻
醃料: 豉油1湯匙、蠔油1湯匙、鹽1茶匙、糖1茶匙、麻油少許、胡椒粉少許
做法: 將雞蛋3隻發勻炒熟後切碎粒；木耳浸透後去硬蒂後切碎；
將豬肉碎放入大碗內，加入醃料和雞蛋1隻攪勻，放雪櫃雪1小時；
取出豬肉碎加入木耳碎和雞蛋碎攪勻就可以用嚟包餃子啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!