返新屋

噚日我同老公返大亞灣新屋，

之前我哋來回都係call滴滴，

車費百五蚊咁上下，

都唔平架!

但今次就試下新路線，

我哋係蓮塘口岸附近搭京橋巴士，

去十里銀灘~梵高的海站下車，

每位22蚊人仔咋!

再call滴滴車過去都係廿皮左右，

兩人返去大亞灣單程都係62蚊人仔，

以後，

我和老公返去都會選擇呢條路線呀!

返去第一件事就係去辦理網絡開通電視，

我要求好低，

只係想有得睇TVB喇!

至於老公睇咩都冇所謂，

只要有體育台就得。

中國電信網絡好但月費過百，

老公話唔值，

因為唔係成日上去喎!

最後選擇惠州廣電，

月費48蚊人仔，

又符合我和老公嘅要求，

平平哋緊最重要架!

上午申請，

黃昏就嚟裝機，

正呀喂!

經過買D生果返屋企食，

放企行李先去搵食，

3個餸食咗139人仔，

少少貴。

返到屋企遇正大回南，

間屋濕到出哂水，

有排抹呀!

偷懶開冷凍抽濕先好少少咋!

舖好牀被，

今晚會留係呢度瞓呀!

之後安排人嚟裝窗簾，

靚哂!

裝完窗簾等到6點左右，

終於嚟裝網絡啦!

好嘢，

今晚有電視睇。

晚餐就同老公去食海鮮，

兩個人買咗3樣嘢90蚊，

有蝦、魷魚和花甲，

去咗間由兩夫婦經營嘅小店，

煮咗白灼蝦、豉油皇炒魷魚和豉汁炒花甲，

炒碟油麥菜和2碗白飯，

加工費連菜和飯，

合共72蚊人仔，

呢餐食咗162人仔。

今朝早餐，

康師傅牛肉海鮮杯麵，

噚晚食剩魷魚、花甲肉和菜，

加落個杯麵度，

味道唔錯呀！

中午朋友仔請我哋食午餐，

之前嚟過呢間食過飯，

水準冇變，

一樣咁好味道呀!

  

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page