客家蘿蔔蛋角煲

之前屋企剩咗半條蘿蔔，

用咗佢嚟整客家蘿蔔蛋角煲，

雖然煮呢個餸事前要煎蛋角，

準備功夫都唔少嘢，

但係食落好味，

咩都抵番哂啦!

材料: 蘿蔔半個、豬肉碎$30、雞蛋3隻、清雞湯500ml、水2碗、

薑3片、胡椒粉、蔥粒

醃料: 豉油半湯匙、鹽少許、糖1茶匙、生粉1茶匙、麻油少許

做法: 豬肉碎落醃料醃1小時；蘿蔔去皮切條；雞蛋落少許鹽發勻；

燒熱油鑊後轉小火落蛋液煎至蛋皮半熟後，

將豬肉碎放入蛋皮中間，用鑊鏟和筷子將蛋皮蓋住豬肉餡，

慢慢煎至蛋角形狀後盛起(豬肉餡唔熟唔緊要架)；

燒熱油鑊落薑片和蘿蔔先炒勻，加入清雞湯、2碗水煮滾後，

落豬肉蛋角煮10分鐘，最後灑上胡椒粉和蔥粒裝飾便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page