今日我突然好想食餃子，
於是即刻拿拿臨買材料嚟包餃子喇!
買咗約1斤半皮$20，
1斤豬肉碎和$5韭菜，
炒咗3隻雞蛋(切碎)加埋落去做餃子餡，
呢度包咗63隻餃子咋!
仲有餃子皮剩，
明天再買料包其他餡先得。
午餐煮咗18隻餃子嚟煮河粉，
其餘的放入冰箱，
隨時再食都得呀!
材料: 梅頭豬肉碎1斤、韭菜$5、雞蛋4隻、蒜蓉適量、
水4湯匙、滾油適量、餃子皮1斤半(薄)
調味: 豉油1.5湯匙、蠔油1湯匙、鹽1茶匙、糖1茶匙、生粉1茶匙、
麻油少許、胡椒粉適量、雞蛋1隻
做法: 將豬肉碎放入大碗內，加入調味、雞蛋1隻、水4湯匙，
攪至豬肉餡料起膠後，放入雪櫃雪1小時；
韭菜洗淨去頭切碎；將雞蛋3隻落少許鹽打散後，炒散後切碎；
從雪櫃取出豬肉餡，加入韭菜、雞蛋碎和蒜蓉，
贊滾油係蒜蓉和韭菜面，將材料餡攪勻，就可以用嚟包餃子架啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!