返惠州過年

2月12日星期一年初三，

我、老公和小魔怪齊齊返惠州過年，

我哋諗住住幾日，

大魔怪因為冇請假，

所以冇同我哋一齊返去呀!

我哋食埋午飯先返惠州，

返到屋企已經3點幾，

打掃完衛生後，

舒舒服服坐低睇新春節目和唱K，

小魔怪最開心就係可以唔使用VPN上網打機，

大呼~正呀!

姑奶、堂弟和堂弟婦過嚟嚟拜年，

我哋6個人出咗去食晚飯，

成條街得呢間麻辣英雄有開，

小魔怪第一時間入咗去，

因為佢無辣不歡呀!

食材非常新鮮，

掂呀!

2月13日星期二年初四，

噚晚買定杯麵做早餐，

但最後都冇食到，

因為瞓醒都已經好晏，

夠鐘就去商場搵食啦!

姑奶話初三時得3間食店有開，

今日商場食店全開，

商場人流都幾多呀!

小魔怪揀咗食東北菜，

有驚喜，

食品好高水準，

應該有下次呀!

小魔怪請飲喜茶和買麵包做下午茶，

好味道!

之後返舊屋過年，

堂弟和堂弟婦過咗嚟煮飯，

客家家鄉菜特別啱我哋口味，

我哋食唔停口呀!

2月14日星期三年初五，

今朝起身後食番噚日買嘅麵包，

老公睇電影，

我就睇繁花，

睇咗第一集，

劇情好吸引喎!

等我上網搵嚟睇先得。

午餐就落樓下食豬肚雞，

食完就返香港喇!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page