我有時冇咩胃口，
就會煮呢個絲瓜雞蛋肉片湯，
有瓜有肉又有蛋，
做湯飯就very good喇!
清清哋真係唔錯架!
老公鐘意食蕃茄，
每次煮呢個餸，
一定要煮多少少飯，
因為佢鐘意撈埋蕃茄蛋送飯，
今次加埋豬肉碎落去煮，
一個餸有蔬果、雞蛋和肉，
夠哂營養啦!
由於仲有十零日我就要做通波仔手術，
所以呢排要食清D，
簡單一碟蕃茄炒蛋都可以餸到飯架!
我見好耐冇包餃子，
今日即刻買齊材料包咗52隻餃子嚟食，
咁啱細仔今日WFH，
佢有口福啦!
食剩咗嘅餃子放凍箱，
隨時都有得食喇!
今日我突然間好想食炆米粉，
我鐘意買呢隻天鵝牌米粉，
佢炆、炒和放湯都得架!
今次用咗椰菜、甘筍、豬肉片和雞蛋炒埋一碟，
兩個米粉炆咗一大鑊，
我和老公食足兩餐呀!
今日摷雪櫃，
見到有包菜脯乾，
好似係之前去大陸旅行時買嘅，
咁啱雪櫃仲有半碗豬肉碎，
加埋3隻雞蛋，
煮咗呢碟菜脯肉碎炒雞蛋呀!
今日午餐食蒸水蛋，
要蒸滑滑水蛋，
一定要加夠水份先得架!
屋企食剩咗幾塊叉燒，
今日就用佢嚟炒飯，
呢個揚州炒飯有好多料，
叉燒、蝦仁、雞蛋和菜芯粒，
簡單又好味道呀!
今晚得我和老公兩個人食晚飯，
簡單煮咗呢碟蕃茄雞蛋燴肉碎，
大大碟撈飯一流架!
食剩幾件叉燒，
用嚟炒飯就最啱啦!
我加咗兩隻雞蛋和4棵菜芯落去一齊炒，
特別好味道呀!
其實我都幾鐘意煮炒粒粒嘅餸，
今日我就買咗$10豆角，
用咗一半嚟炒粒粒，
呢碟炒粒粒有豆角、豬肉粒、洋蔥和雞蛋，
全部炒埋一碟，
撈飯食一流架!
韭黃叉燒炒滑蛋，
呢個餸真係好耐冇食，
但又係由細食到大嘅餸菜之一，
真係充滿童年回憶呀!
今日食清D，
滾咗個絲瓜肉片雞蛋湯，
有菜有肉有蛋又有湯，
真係慳水又慳力呀!
噚日第一次試整潮州蝦棗，
其實一D都唔難整；
响惠州買咗包正方形腐皮返嚟，
將調好嘅蝦和肉餡卷入腐皮中，
蒸熟佢後再煎或炸番佢，
咁就食得啦!
噚晚去咗大仔和女朋友新居食晚餐，
我帶咗茶葉蛋和潮州蝦棗過去一齊食。
响韓國廣藏市場買咗2pack蟹肉棒，
我用咗其中1包(4條)蟹肉棒，
拆絲嚟炒蛋，
真係好好食，
唔知香港有冇得賣呢???
今日買咗2塊梅頭豬扒，
不過唔記得買洋蔥，
所以冇得整洋蔥豬扒，
點算好???
我見雪櫃仲有碗粟米粒，
有計啦!
晚餐整咗呢碟粟米雞蛋炒豬肉粒，
大人細路都鐘意食呀!
今日見到有青豆角賣，
買咗11條收我$10，
唔知貴定平呀!
今晚又係得我和老公兩個撐枱腳，
一碟餸~豆角肉碎炒雞蛋，
快靚正，
好餸飯架!
老公鐘意食蕃茄，
咁啱雪櫃仲有2個蕃茄，
今晚就可以即刻滿足佢啦!
我加咗雞蛋和豬肉碎落去一齊煮，
呢個餸濕濕哋好送飯架!
今日晚餐得我和老公兩個撐枱腳，
咁就啱啦!
我可以煮得簡簡單單，
一鍋白菜雞蛋豆腐肉碎湯，
足夠我和老公兩個人食呀!
