今日見到有青豆角賣，
買咗11條收我$10，
唔知貴定平呀!
今晚又係得我和老公兩個撐枱腳，
一碟餸~豆角肉碎炒雞蛋，
快靚正，
好餸飯架!
材料: 青豆角11條、豬肉碎$15、雞蛋2隻、蒜蓉、紹酒少許
醃料: 豉油1茶匙、糖半茶匙、生粉1茶匙、麻油少許、水1湯匙
調味: 蠔油半湯匙、糖半茶匙、老抽少許
做法: 豬肉碎用醃料醃15分鐘；豆角洗淨後切粒；雞蛋發勻備用；
燒熱鑊落油加入雞蛋炒勻後上碟；原鑊落豆角粒和蒜蓉炒勻，
贊少許紹酒和鹽調味，炒到豆角斷生後上碟；
燒熱鑊落油，加入豬肉碎炒至9成熟後，加入豆角粒和調味炒勻，
落埋雞蛋炒勻便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!