蒜香小排骨

打風啦!打風啦!

聽講話呢個"山竹"無論風速、外圍環流和雨帶好犀利，

大家一定要做好防風措施呀!

今日晚餐整咗碟蒜香小排骨，

炸起嚟咸咸香香，

啤一啤就最啱啦!

紅燒肉

父親節先嚟食紅燒肉，

哈哈，

係咪過份咗少少呢???

小魔怪女朋友認真識做，

佢讚話呢個餸好有水準，

賣相和味道都一流，

嘻嘻，

抵錫啊!

勝瓜肉片雲耳雞蛋粉絲湯

小魔怪女朋友仔係湯怪，

鐘意飲湯多過食飯，

無論老火湯或清清哋嘅滾湯都好，

佢每次都可以飲3~4碗架!

今日我就滾咗個勝瓜湯，

佢第一次食勝瓜話個質感好特別，

咬落好爽兼有汁爆出嚟，

大讚呢個湯好清甜，

好好飲啊!

快滾蛋~節瓜咸蛋蝦乾肉片湯

天氣開始熱，

想飲湯但又唔想煲到個廚房咁熱嘅話，

嚟個滾湯就最啱喇!

春夏至愛湯水~節瓜咸蛋蝦乾肉片湯。

柱候蘿蔔支竹炆排骨

正所謂:冬食蘿蔔夏食薑，

呢排D蘿蔔真係好鬼靚，

咁吸引，

點可以唔買番個返嚟食呢?

大雜會

今日食大雜會，

大雜會係咩???

哈哈，

咪就係雪櫃有咩就煮咩囉!

裡面有菜有肉有海鮮(蝦米和魚蛋)，

我仲加埋十幾隻餃子添!

嗱嗱嗱，

我係想清下個雪櫃，

千祈唔好諗我係打斧頭呀!

素湯~甘筍栗子腰果湯

今日煲素湯~甘筍栗子腰果湯，

只係用咗簡單嘅材料，

唔使落調味個湯已經好好飲，

食埋湯渣嘅話仲夠哂飽肚添，

可以唔使食飯都得呀!

椰汁芋頭仔炆雞翼

中秋節前後，

都會有呢款細細粒嘅芋頭賣，

我鐘意買嚟炆雞翼，

加埋我鐘意嘅椰汁，

個芋頭雞翼汁好香椰奶味，

用嚟撈汁送飯就最啱啦!

上湯海鮮浸絲瓜

我好鐘意食上湯浸絲瓜，

今次就加咗雜錦海鮮和粉絲一齊煮，

簡單得嚟又有啖湯飲，

都唔錯架!

無水蒸椰菜排骨

無水蒸，

唔一定要用鑄鐵鍋，

用玫瑰鍋都可以做到呢個效果架!

今次一滴水都冇落，

因此煮嘅過程中，

椰菜和排骨都會出水，

所以唔使怕會蒸乾水呀!

南乳蓮藕木耳炆排骨

今晚我要返學整麵包，

所以一早炆定煲蓮藕排骨，

咁老公夜晚就唔使出街食飯啦!

素湯~紫菜蕃茄豆腐蛋花湯

天氣咁熱，

真係唔係咁想食飯，

有咩好煮意???

呢個紫菜蕃茄豆腐蛋花湯一定啱哂大家喇!

雖然清清哋，

但營養價值超高，

我用佢嚟做湯飯，

一流架!

清熱消暑解毒~綠豆百合糖水

去完歐遊之後，

老公濕疹發作，

拿拿臨煲煲清熱消暑解毒嘅糖水，

等佢潤一潤先得!

冬菇魚肚炆雞翼

魚肚唔一定用嚟煮粟米羹，

仲可以用嚟炆或蒸雞都可以架!

今日就用咗佢嚟炆咗呢碟冬菇魚肚雞翼，

魚肚索哂D汁，

真係好鬼好味架!

粟米魚肚肉碎羹

每次煮魚肚時，

我都會浸多幾隻，

出水後就可以放入冰箱，

咁就隨時都有得用啦!

節瓜冬菇蝦乾瑤柱肉絲湯飯

識我嘅人都知我怕熱唔怕冷，

所以今日有成32~33度，

簡直攞我命呀!

熱成咁，

冇咩胃口食飯添!

俾個藉口自己繼續偷懶，

煮咗個湯飯食算喇!

芥菜咸蛋排骨湯

每年包糭都會買廿幾隻咸蛋返嚟，

用咗個蛋黃嚟包糭，

咁D蛋白又點算好呢???

唔通全部倒哂佢???

NO啦!

我次次都會留起一大湯碗咸蛋白，

一係用嚟蒸豬肉，

就係用嚟滾湯，

大家仲有冇好提議呀???

白背木耳紅棗水

今日唔煲湯，

煲白背木耳紅棗水；

民間傳說話如果連續服用1個月，

會有助降膽固醇、血脂和解血壓等功效架!

不過最緊要係要食埋木耳呀!

 俾少少建議大家，

煲完水嘅木耳可以用嚟涼拌；

或加瘦肉落去變成湯；

又或可以加冰糖煮成糖水後，

放入攪拌機內打碎成木耳紅棗糖水都得架!

稠粥~咸蛋皮蛋肉碎粥

講起食粥，

我比較鐘意食稠到一pat pat嘅粥，

食落感覺會飽肚D架!

少少心得，

煲粥一定要開中大火，

仲唔使落煲蓋，

煲到自己鐘意嘅稠度熄火就得。

瑞士汁雜菜肉絲炒烏冬

今日我又想食雜糧喇!

我嘅第一個選擇緊係食烏冬啦!

簡簡單單用咗瑞士汁嚟炒烏冬，

又真係幾好味道架!