大雜會

今日食大雜會，

大雜會係咩???

哈哈，

咪就係雪櫃有咩就煮咩囉!

裡面有菜有肉有海鮮(蝦米和魚蛋)，

我仲加埋十幾隻餃子添!

嗱嗱嗱，

我係想清下個雪櫃，

千祈唔好諗我係打斧頭呀!

材料: 豬肉絲、餃子、魚蛋、蝦米、娃娃菜、清雞湯、薑片

醃料: 豉油1茶匙、鹽少許、糖半茶匙、生粉少許、麻油少許

做法: 豬肉絲用醃料醃30分鐘；預先將餃子灼熟備用；

將清雞湯煮滾，加入娃娃菜、豬肉絲、魚蛋、蝦米和薑片煮滾5分鐘，

最後落埋餃子煮至番滾，按個人口味加鹽調味便成。

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page