之前淘咗個新煎pan，
襯仲係新嘢冇刮花唔黐底，
用嚟煎豆腐真係好鬼正；
今次整呢碟蠔油肉碎燴豆腐，
老公話好耐冇食，
肉碎好撈飯，
又要添飯囉!
材料: 有機滑煎釀豆腐1盒、豬肉碎$20、蔥粒
醃料: 豉油半湯匙、糖1茶匙、生粉1茶匙、麻油少許、1湯匙水
調味: 蠔油1湯匙、生抽半湯匙、老抽少許、糖1茶匙
做法: 豬肉碎用醃料醃30分鐘；豆腐切片後，放入煎pan入煎至兩面微黃；
燒熱油鑊爆香豬肉碎，盡量將豬肉碎推散開，
加入調味和大半碗水煮滾至肉熟後，落煎好豆腐炆煮至汁濃，
加少許生粉水埋芡汁後，灑上蔥粒便成。
你早D煮呢個餸咪好囉。我尋日都係煮肉碎，豆腐，不過做左煎釀豆腐，好麻煩。
回覆刪除哈哈，呢碟肉碎豆腐簡單好多，啱哂我夠懶呀!
刪除