孜然牙籤牛肉

去佳寶見到冰鮮牛肉啱啱落貨，

所以就揀咗盒牛肉嚟整孜然牛肉，

想食得有特式，

用牙籤串起D牛肉，

整得靚靚咁上碟呀!

小魔怪真係好攪笑，

食得心急但又懶用手拎起條牙籤，

叫我下次唔好串起Ｄ牛肉喎；

唉，

亞仔以你咁食法，

一陣間就已經俾係食哂Ｄ牛肉啦！

呢個餸辣辣哋，

最啱用嚟招呼朋友，

一邊飲啤酒，

一邊食牛肉串，

吹吹水，

唔抹咀呀！

材料 : 牛肉、三色椒1/4個、洋蔥半個、蒜蓉、辣椒乾、

孜然粉、紅椒粉、花椒粉、白芝麻、牙籤

 

醃料 : 豉油1湯匙、糖1茶匙、薑汁半湯匙、生油少許

調味: 豉油半湯匙、老抽少許、鹽半茶匙、糖半茶匙

 

做法: 將牛肉切條，落醃料醃30分鐘；三色椒切粒；洋蔥切絲；

牙籤用熱水灼一陣撈起，將牛肉逐一串起，放入熱油鑊內走油半分鐘；

撈起牛肉串，留少許油係鑊，爆香蒜蓉和辣椒乾，

落洋蔥快炒，下牛肉串和三色椒炒勻，

加入調味、孜然粉、紅椒粉和花椒粉炒香，最後灑上白芝麻炒勻便成。

    

 

 

 

 

 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page