之前買咗1大包馬蹄，
噚日攞咗部份嚟馬蹄蒸豬肉，
剩番幾粒就用嚟炒粒粒啦!
呢個餸簡單快靚正，
材料每款少少，
炒埋炒埋就一大碟啦!
材料: 急凍雞扒1塊、青瓜1條、盒裝粟米粒適量、馬蹄6粒、蒜蓉
醃料: 豉油1湯匙、鹽半茶匙、糖1茶匙、麻油少許、紹酒少許
調味: XO醬1湯匙、蠔油1湯匙、老抽少許、糖1茶匙
做法: 雞扒解凍後去皮切粒，落醃料醃30分鐘；
青瓜去囊切粒；馬蹄去皮切粒；粟米粒隔水備用；
燒熱油鑊落雞粒先爆炒至有少許焦香，加入XO醬快炒後，
落粟米粒、馬蹄和青瓜粒炒勻後，加埋調味和水3湯匙，
煮至汁濃後加少許生粉水埋芡汁便成。
炒粒粒好送飯
回覆刪除係呀，快靚正，啱哂我呀!
刪除