近日小魔怪要清假，
所以噚日開始放假至下星期一先返工，
冇得去旅行又冇得出去玩，
佢唯有係屋企打機啦!
不過佢都會抽時間去跑步架!
中午食炒米粉，
浸咗3塊米粉(天鵝牌米粉)，
點知炒埋係好大碟，
哈哈，
可以夠食2餐呀!
材料: 米粉3塊(天鵝牌)、蝦仁1包、豬肉碎$20、雞蛋2隻、
椰菜半個、甘筍半條、芝麻適量
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 利川咖哩醬2~3湯匙、豉油少許、鹽半茶匙、糖1茶匙、水半碗
做法: 米粉用水浸軟後，剪段備用；豬肉碎落醃料醃15分鐘；
蝦仁解凍後，用廚紙索乾水份，加鹽、胡椒粉和麻油醃15分鐘；
椰菜切片；甘筍切絲；雞蛋加少許鹽發勻備用；
燒熱油鑊加入蛋液炒勻後上碟；原鑊落油炒熟蝦仁上碟；
再將豬肉碎炒熟後，加入椰菜和甘筍絲炒勻至軟身，
將落隔去水份嘅米粉、調味與椰菜肉碎撈勻，
加入蝦仁和雞蛋拌勻後上碟，最後灑上適量芝麻便成。
~天鵝牌米粉係一包有5片果款呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!